Ռումինիայի նախագահը դիմելու է խորհրդարանին

Ռումինիայի նախագահ Կլաուս Յոհաննիսը փետրվարի 7-ին կդիմի երկրի խորհրդարանին: Այդ մասին հայտնել են տեղական ԶԼՄ-ները:

Ինչպես նշում է Digi24 հեռուստաալիքը, այն թեման, որով Ռումինիայի նախագահը դիմելու է պատգամավորներին, վերաբերում է քրեական օրենսդրության փոփոխություններին եւ այն իրադարձություններին, որոնք դրանք հրահրել են:

«Ցանկանում եմ խորհրդարանին դիմել այն ուղղումների առնչությամբ, որոնք կառավարությունն առաջարկվել է կատարել քրեական օրենսդրության մեջ, ինչպես նաեւ այն իրադարձությունների կապակցությամբ, որոնք տեղի են ունեցել հաջորդիվ»,-ասված է նամակում, որը խորհրդարանի ղեկավարությանն է փոխանցվել նախագահի կողմից:

Երկրի խորհրդարանում փետրվարի 7-ին քվեարկություն է նշանակված 2017 թվականի պետական բյուջեի նախագծի շուրջ:
Ինչպես արդեն տեղեկացվել է, նախօրյակին Ռումինիայի քաղաքներում շուրջ 500 հազար բնակիչներ են փողոց դուրս եկել կառավարության հրաժարականի պահանջով, այդ թվում՝ 300 հազար մարդ՝ մայրաքաղաք Բուխարեստում: Մարդիկ պահանջում են կառավարության հրաժարականը, սակայն վարչապետ Սորին Գրինդյանուն հայտարարել է, որ չի թողնի պաշտոնը:

Սա խոշորագույն հանրահավաքն է 1989 թվականի դեկտեմբերից ի վեր, երբ տապալվեց Նիկոլաե Չաուշեսկուի գլխավորած կոմունիստական կուսակցության իշխանությունը:

Ավելի վաղ նախարարների կաբինետը հրաժարվել է այն ուղղումներից, որոնք կարող էին բերել բանտերից իշխող կուսակցության՝ կոռուպցիոն գործերով դատապարտված կողմնակիցների ազատման: Սակայն բողոքի ակցիաները չեն դադարում: