Կիմ Չեն Նամի մարմինը տեղափոխվել է Քուալա Լումպուրի հիվանդանոց՝ հերձման համար
Աշխարհ
Մալայզիայում մահացած Կիմ Չեն Նամի՝ Հյուսիսային Կորեայի առաջնորդ Կիմ Չեն Ընի ավագ եղբոր դատաբժշկական փորձաքննությունը տեղի կունենա Քուալա Լումպուրի կենտրոնական հիվանդանոցում (Hospital Kuala Lumpur): Այս մասին հայտնել է New Straits Times հրատարակությունը՝ վկայակոչելով աղբյուրներ:
Ինչպես ավելի վաղ ՏԱՍՍ-ին հայտնել է Մալայզիայի ոստիկանության մամուլի ծառայության աշխատակից Ալիմուն, «հերձումը կկատարվի օրվա ընթացքում, իսկ երեկոյան սպասվում է մամուլի ասուլիս կամ էլ հայտարարություն մամուլի համար՝ դատաբժշկական փորձաքննության արդյունքների մասին»:
Կիմ Չեն Նամը ԿԺԴՀ-ի նախկին ղեկավար Կիմ Չեն Իրի ավագ որդին է, որը ծնվել է հյուսիսկորեացի հայտնի դերասանուհի Սոն Հե Ռիմի հետ արտամուսնական կապից: Կիմ Չեն Նամը մի ժամանակ համարվում էր Հյուսիսային Կորեայի ղեկավարի պաշտոնում հոր առավել հավանական հաջորդը, սակայն շնորհազրկման է ենթարկվել 2001 թվականին կեղծ անձնագրով Ճապոնիա մեկնելու փորձից հետո եւ այդ ժամանակվանից ապրում էր արտասահմանում, մասնավորապես, Չինաստանի Մակաո միջատարածքում:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
