Շահին Միրզոևը բացահայտում է Ադրբեջանի տխուր իրողությունները

Ադրբեջանում բոլորը գիտեն, որ կոռումպացված իշխանությունները չեն կարող կարգավորել Լեռնային Ղարաբաղի հակամարտությունը, այդ նպատակով որևէ մեկի հետ բանակցություններ վարել: Այդ մասին ընդգծել է ընտանիքով Ադրբեջանից Հայաստան տեղափոխված և ժամանակավոր ապաստան հայցած Թալիշական մշակույթի խորհրդի անդամ, թալիշական ազատագրական շարժման մասնակից, «Թալիշի Սադո» թերթի թղթակից Շահին Միրզոևը:

«Ընդհանրապես անհրաժեշտ է ուսումնասիրել արմատները, թե ինչպես է նման պետություն ձևավորվել: Առաջին հերթին՝ ադրբեջանցի ազգ գոյություն չունի, այժմ էլ ասում են, թե ադրբեջանցիները թուրքերն են: Ադրբեջանում բոլորը գիտեն, որ այդ կառավարությունը ոչ մի դեպքում ունակ չէ լուծել ղարաբաղյան հարցը: Կոռուպցիոն իշխանությունը չի կարող որևէ մեկի հետ բանակցություններ վարել: Ապրիլյան պատերազմը ցույց տվեց ամեն ինչ, սկսած սահմանային գծից, Գյանջայից բոլորը խուճապահար փախել էին Բաքու և առաջին հերթին իրենց հետ տարել ոչխարներն ու գառները, ողջ Բաքուն լցվել է ոչխարներով ու գառներով»,- ասել է Միրզոևը:

Նրա համոզմամբ՝ Ադրբեջանի նախագահ Իլհամ Ալիևը պատերազմ չի սկսի, որովհետև չունի աջակցություն: «Պատերազմելու համար անհրաժեշտ է ժողովրդական աջակցություն, իսկ ժողովրդի կողմից նա աջակցություն չունի: Ինչո՞ւ պատերազմը կանգնեցրեցին, գուցե դուք այդ հարցին այլ մոտեցում ունեք, բայց Ադրբեջանում և Թալիշստանում ունեն այլ կարծիք. առաջին հերթին Ալիևը հավատաց իր պատրանքներին, իբր Հայաստանը սովի է մատնված, մարդիկ սովից մահանում են: Նա այդ պատրանքներին հավատաց և ապրիլի 2-ին հարձակվեց Լեռնային Ղարաբաղի վրա: Բախվելով ամուր պաշտպանության և վախենալ ով հակահարձակումից' ստիպված եղավ կանգնեցնել պատերազմը: Այդ պատերազմում զոհվեցին բազմաթիվ մարդիկ, զինվորներ, հատկապես թալիշներ, լեզգիներ, թաթեր, ո՞վ դրանում հաղթեց' ոչ ոք, միայն տուժեցին մեր ժողովուրդները»,- ասել է Միրզոևը՝ ավելացնելով, որ ապրիլյան պատերազմում հայկական ուժերը խուսանավել և մեծ հարված են հասցրել ադրբեջանական բանակին: Միրզոևն ընդգծել է' ունեն ապացույցներ, որ ադրբեջանական բանակի երիտասարդ զինվորները չդիմանալով ճնշմանը' ստիպված են եղել լքել իրենց դիրքերը և փախչել հետ:

«Ե՛վ այնտեղ էր նրանց մահ սպասում, և՛ առջևում: Հետևում կանգնած էին թուրքական հրահանգիչները, ով փախչում էր, նրան կրակում էին: Արդյոք այդպես կարելի է պատերազմել և հաղթել. ոչ մի դեպքում»,- նկատել է թալիշական ազատագրական շարժման մասնակիցը:

Նրա խոսքով' թալիշները պարզապես խնդրում էին ինքնավարություն, սակայն ադրբեջանական իշխանությունը սպանել է բազմաթիվ մարդկանց, ենթարկել ճնշումների: «Իսկ այժմ մենք անգամ բարձր կարգավիճակին համաձայն չենք, բոլորի անունից չեմ կարող ասել, բայց անձամբ ես դեմ կլինեմ: Մենք ցանկանում ենք կառուցել մեր պետությունը, և կարծում եմ, որ շուտով դա կլինի, անպայման, անկասկած: Թալիշստանը կլինի»,- համոզմունք է հայտնել Միրզոևը: Անդրադառնալով ադրբեջանական իշխանությունների քարոզչությանը' նա ընդգծել է, որ Ադրբեջանի ժողովրդի մեծ մասը' 70, 80 տոկոս չի դիտում հեռ ուստատեսություն, «քանի որ այդ ողջ սուտը, թե Ադրբեջանը «ծաղկում» է, բոլորը գիտեն, «յուրաքանչյուր քաղաքացի փնտրում է այն պետությունը, ինչի մասին խոսում են հեռուստատեսությամբ»: «Եթե ուսուցիչը ստանում է ամսական 150 մանաթ, բուժքույրը՝ 90-100, բժիշկը 150-200, ինչպե՞ս եք կարծում՝ նա այդ գումարով կարո՞ղ է ապրել: Կոռուպցիան հենց այդտեղից էլ սկսվում է: Սա է Ադրբեջանի իրականությունը»,- ասել է Միրզոևը' ավելացնելով. «Ադրբեջանում բոլորը գիտեն, երբ սկսվում է նոր զորակոչը, սահմանագծին փոխհրաձգություն է տեղի ունենում, և մի քանի դիեր ցուց ադրաբար բերում են Բաքու, որպեսզի ժողովուրդը գումարներ տա՝ երեխաներին սահմանագիծ չուղարկելու համար: Իսկ այնտեղ հիմնականում ծառայում են հնարավորություն չունեցողները, դա առաջին հերթին վերաբերում է թալիշներին: Չնայած բոլորը գիտեն, նաև դուք, որ մեզ' թալիշներին, այդ պատերազմը պետք չէ և ԼՂ հարցը մեզ հետ որևէ կապ չունի»:

ՀՀ ԱԳՆ-ն փետրվարի 11-ին հայտարարել է, որ Հայաստանի իշխանություններին է դիմել Շահին Միրզոևը՝ խնդրելով իրեն տրամադրել ժամանակավոր ապաստան, քանի որ հանդիսանալով Թալիշական մշակույթի խորհրդի անդամ, Թալիշական ազատագրական շարժման մասնակից, «Թալիշի Սադո» թերթի թղթակից՝ ստիպված է եղել փախչել Ադրբեջանից՝ ազգային և կրոնական փոքրամասնությունների հանդեպ բռնաճնշումների ու նրանց իրավունքների կոպտագույն ոտնահարումների պատճառով, և ընտանիքով ժամանել Հայաստան։ Հայաստանի իշխանությունները դրական են արձագանքել Շահին Միրզոևի խնդրանքին: