Պայթյուններ սիրիական Հոմս քաղաքում. կան տասնյակ զոհեր, այդ թվում՝ բարձրաստիճան զինվորականներ

Մահապարտների իրականացրած պայթյունների հետևանքով սիրիական Հոմս քաղաքում զոհվել է առնվազն 42 մարդ: Քաղաքի իշխանությունները հաստատել են հարձակումների մասին տեղեկատվությունը, հայտնում է BBC-ի ռուսական ծառայությունը:

Նրանց տվյալներով, զոհվել է առնվազն 20 մարդ: «Պայթյունն իրականացրել է ամենաքիչը 6 մահապարտ, որոնք պայթեցրել են իրենք իրենց քաղաքի պետական անվտանգության ծառայության և ռազմական հետախուզության շենքերի մոտ», - ասել է Մարդու իրավունքների կենտրոնի ղեկավար Ռամի Աբդել Ռախմանը: Զոհերի թվում բարձրաստիճան զինվորականներ կան: