ԿԳՄՍՆ-ն իր վշտակցությունն է հայտնում Լալա Մնացականյանի ընտանիքին, հարազատներին ու մտերիմներին

ՀՀ ԿԳՄՍ նախարարությունը խոր վշտով հայտնում է, որ 2024 թվականի հունիսի 22-ին 66 տարեկանում մահացել է ՀՀ վաստակավոր արտիստ, Երևանի թատրոնի և կինոյի պետական ինստիտուտի դերասանի վարպետության և ռեժիսուրայի ամբիոնի պրոֆեսոր Լալա Մնացականյանը։

ՀՀ ԿԳՄՍ նախարարությունն իր վշտակցությունն է հայտնում վաստակաշատ դերասանուհու ընտանիքին, հարազատներին ու մտերիմներին։ 

ՀՀ վաստակավոր դերասանուհի Լալա Բաբկենի Մնացականյանը ծնվել է 1957 թվականի հոկտեմբերի 8-ին Երևանում՝ դերասանուհու և մաթեմատիկոսի ընտանիքում։ Մայրը՝ Էլիզա Գյուլեսերյանը, եղել է բեմական խոսքի դոցենտ, հայրը՝ Բաբկեն Մնացականյանը, մաթեմատիկոս, մաթեմատիկական գիտությունների թեկնածու, դոցենտ։
Լալա Մնացականյանը սովորել է Երևանի թիվ 78 դպրոցում, որն ավարտելուց հետո ընդունվել է Երևանի պետական գեղարվեստաթատերական ինստիտուտի թատրոնի և կինոյի դերասանական բաժինը։ 

Խաղացել է բազմաթիվ դերեր թատրոնում, կինոյում և հեռուստատեսությունում։ Հետաքրքիր դերակատարումներով հանդես է եկել տարբեր թատրոններում՝ Երևանի Երիտասարդական Էքսպերիմենտալ Թատրոն, Վանաձորի Հովհաննես Աբելյանի անվան պետական դրամատիկական թատրոն, Գաբրիել Սունդուկյանի անվան ակադեմիական թատրոն, «Մետրո» թատրոն, Մհեր Մկրտչյան արտիստական թատրոն։
140 մանրապատումների սցենարիստ է և դերակատար։

1991 թվականից բեմական խոսք է դասավանդել Երևանի կինոյի և թատրոնի պետական ինստիտուտում, բեմական խոսքի պրոֆեսոր է։ Համահեղինակ է «Գեղարվեստական խոսքի մատուցման արվեստը» ուսումնական ձեռնարկի, որն առաջին և առայժմ միակ դասագիրքն է հայերենով։


Բազմաթիվ միջազգային փառատոների մրցանակակիր է։
Կոչումներ և մրցանակներ

2004 թվականին Լալա Մնացականյանին շնորհվել է դոցենտի գիտական կոչում՝ թատերական արվեստ, կինոարվեստ մասնագիտությամբ։

2006 թվականին՝ Լալա Մնացականյանն արժանացել է Հայաստանի Հանրապետության վաստակավոր արտիստի պատվավոր կոչմանը, իսկ երկու տարի անց՝ 2008 թվականին, նրան շնորհվել է պրոֆեսորի գիտական կոչում թատերական արվեստ, կինոարվեստ մասնագիտությամբ։
Լալա Մնացականյանը գեղանկարիչ, բեմանկարիչ, ՀՀ վաստակավոր նկարիչ Աշոտ Համբարձումյանի կինն է։
Դերերը թատրոնում.

Երևանի պետական գեղարվեստաթատերական ինստիտուտ
• 1975 - Սմերալդինա՝ Կ. Գոլդոնիի «Երկու տիրոջ ծառան»
• 1976 - Օգյուստինա՝ Ռ. Թոմաի «Ութ Սիրագորով կանայք»
• 1978 - Գիզա՝ Ռ. Լոտարի «Արքա Առլեքին»
Երևանի երիտասարդական էքսպերիմենտալ թատրոն
• 1979-1980 - Ռոզալիա Պավլովնա՝ Վ. Մայակովսկու «Փայտոջիլ»
• 1979-1980 - Մեզալյապսովա՝ Վ. Մայակովսկու «Բաղնիք»
• 1979-1980 - Գերտրուդ՝ Ա. Սաստրեիի «Վիլհեմ Թելի թախծոտ աչքերը»
• 1979 - Պոլի Փիչըմ՝ Բ. Բրեխտի «Երեք գրոշանոց օպերա»

• 1979-1980 - Սոնյա՝ Ա. Չեխովի «Քեռի Վանյա»
• 1980 - Լիկա՝ Ա. Զուրաբովի «Երկու քույր»
• 1984 - Վերա՝ Ա. Գելմանի «Նստարան»
Վանաձորի Հովհաննես Աբելյանի անվան պետական դրամատիկական թատրոն
• 1982 - Արմինե՝ Ժ. Սարգսյանի «Բերոյանների ընտանիքը»
• 1982 - Անահիտ՝ Գ. Սարգսյանի «Հորովել»
Գաբրիել Սունդուկյանի անվան ակադեմիական թատրոն
• 1983 - Մարինա՝ Վ. Ռոզովի «Երջանկություն որոնելիս»
• 1985 - արքայադուստր՝ Ս. Մարշակի «12 ամիս»
• 1986 - հաղորդավար՝ Մ. Շատրովի «Կապույտ նժույգներ կարմիր խոտի վրա»
• 1987 - Նիննուչա՝ Է. դե ֆիլիպոի «Ծննդյան տոները սենյոր Կուպյելոյի տանը»
• 1989 - Լիզա՝ Ա. Աղասարյանի «Փրկեք մեր հոգիները»
• 1991 - Սորրենտինո՝ Ջ. Մառոտտաի և Բ. Ռանդոմեի «Այրիներ սփոփողը»
«Մետրո» թատրոն
• 1995 - Էվա՝ Ա. Նիկոլայիի «Սեր մինչ ի մահ»
• 1995-1996 - Մերի՝ Ա. Աղասարյանի «Ուիլի Թիթի Ջիգ և երեքն էլ մի աղջիկ»
• 1997-1998 - Էսթեր՝ Ժ. Պ. Սարտր «Դռնփակ»
«Մհեր Մկրտչյան» արտիստական թատրոն
• 2004 - Գրացիելլա՝ Գ. Գ. Մարկեսի «Սիրային Նախատինք՝ բազկաթոռին նստած ամուսնուն» մոնոներկայացում
• 2009 - Ֆիլումենա՝ Է. դե Ֆիլիպոյի «Ֆիլումենա Մարտուրանո»
Երևանի Թատրոնի և կինոյի պետական ինստիտուտի Ուսումնական թատրոն
• 2012 թ. - մայր՝ Կ. Չապեկի «Մայրը»
Հեռուստաթատրոն
• 1982-1983 - Լուսիկ՝ Հ. Պարոնյանի «Բարսեղ աղան և ուրիշները»
• 1983 - Ոստիկան՝ Լ. Միրիջանյանի «Քաջ Նազար»
• 1984 - Ժանեթ՝ Ի. Դրուցեի «Հանուն հողի և արևի»
• 1984 - Մերի՝ Ջեքսոնի «Աստված մեզ օգնական»
• 1984 - Մաշա ՝ Վ. Արրոի «Տեսեք ով է եկել»
• 1984 - Վարյա ՝ Ա. Կազանցևի «Անտոնը և ուրիշները»
• 1986 - Հասմիկ՝ Ա. Այվազյանի «Արալեզ»
• 1989 - Նարգիզ՝ Ա. Ահար