Մանրամասներ Երևանի հրդեհից

Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ազատամարտիկների փողոցի տներից մեկում հրդեհ է բռնկվել։

Պարզվել է, որ հրդեհը բռնկվել է տան միջանցքում (մոտ 25 քմ), որտեղ գտնվող գազի բալոնից (3 կգ) առկա է արտահոսք, իսկ բնակիչներից մեկը գտնվում է տան տանիքում և չի կարողանում իջնել:

Փրկարարները բնակչին իջեցրել են տանիքից և տեղափոխել անվտանգ տարածք, ինչպես նաև միջանցքից դուրս են բերել գազի բալոնը և իրականացրել հերթապահություն՝ մինչ գազի բալոնի պարպվելը։

Այրվել է միջանցքը՝ գույքով։ Տուժել է մեկ այլ բնակիչ, որը հոսպիտալացվել է։