Իրանի և Ռուսաստանի միջև գործընկերության համաձայնագիրը ուժի մեջ է մտել

Ռուսաստանի և Իրանի միջև ռազմավարական համապարփակ գործընկերության համաձայնագիրը ուժի մեջ է մտել։ Այս մասին ՌԻԱ Նովոստիի լրագրողների հետ զրույցում հայտարարել է Մոսկվայում Իրանի դեսպան Քազեմ Ջալալին։

Դիվանագետին հարցրել են, թե երբ պետք է փաստաթուղթը ուժի մեջ մտնի։ Լրագրողները նաև հարցրել են, թե արդյոք Իրանը տեղեկացրել է Ռուսաստանին համաձայնագրի վավերացման հետ կապված բոլոր անհրաժեշտ ներպետական ընթացակարգերի ավարտի մասին։

«Այն արդեն պարտադիր է կատարման համար», - պատասխանել է Ջալալին։