Ռուսաստանը սպառնում է ԵՄ-ին տնտեսական պատասխան քայլերով

Պետդումայի պատգամավոր Ալեքսեյ Չեպան հայտարարել է, որ Ռուսաստանը կարող է ձեռնարկել մի շարք գործողություններ, որոնք լուրջ հարված կհասցնեն Եվրամիության տնտեսությանը՝ ի պատասխան ԵՄ 18-րդ պատժամիջոցային փաթեթի։

Նրա խոսքով՝ Եվրոպայի նպատակը Ռուսաստանի ռազմական պոտենցիալը թուլացնելն է, սակայն Մոսկվան կարող է ոչ միայն ավելացնել հարվածներն Ուկրաինայի ռազմական օբյեկտներին, այլև ստեղծել տնտեսական խնդիրներ հենց ԵՄ-ի համար։

Չեպան ընդգծել է, որ Ռուսաստանի հնարավոր ռազմական պատասխանները կարող են արագ վատթարացնել Ուկրաինայի ԶՈՒ իրավիճակը՝ չեզոքացնելով ԵՄ պատժամիջոցների ակնկալվող ազդեցությունը, հայտնում է Лента.ру-ն։