Ռուս պաշտոնյան հիշեցրել է Պուտինին Կիևի հրկիզման մասին 12-րդ դարում

Վլադիմիրի մարզի նահանգապետ Ալեքսանդր Ավդեևը հանդիպման ժամանակ հիշեցրել է ՌԴ նախագահ Վլադիմիր Պուտինին, թե ինչպես է իշխան Անդրեյ Բոգոլյուբսկին 12-րդ դարում միավորել 11 ռուսական իշխանություններ և հրկիզել Կիևը՝ «ռուսական հողերում և ընտանիքներում թշնամանք սերմանելու համար»։

Ավդեևն ասել է, որ այդ գործողությունը համարվել է «առաջին իրական միավորող քայլը» Ռոստովի, Սուզդալի, Տվերի, Սմոլենսկի և այլ իշխանությունների միջև, որոնք մինչ այդ տարանջատված էին։

Ավելի վաղ Ավդեևը Պուտինին առաջարկել էր դիտել 1155 թվականով թվագրվող սրբապատկեր, որը վերագրվում է հենց Անդրեյ Բոգոլյուբսկուն և վերջերս է վերականգնվել՝ 100 տարվա ընդմիջումից հետո։