Ծաղիկներով նրան դիմավորեմ, որ ի՞նչ անեմ. մենք մնալու ենք, ՀԷՑ-ն էլ մնալու է Սամվել Կարապետյանի սեփականությունը․ Ղազինյան

«Հայաստանի էլեկտրական ցանցեր» ՓԲԸ-ն արդեն ստացել է ՀԽԿՀ նախագահի որոշումը Ռոմանոս Պետրոսյանին ՀԷՑ նոր կառավարիչ նշանակելու վերաբերյալ։ Այս պահին այդ որոշումն են ուսումնասիրում, որը բավականին ծավալուն փաստաթուղթ է։

Այս մասին MediaHub-ի հետ զրույցում ասաց ՀԷՑ տնօրենի ժամանակավոր պաշտոնակատար Դավիթ Ղազինյանը։

-Իսկ սպասելի՞ էր Ձեզ համար, որ այսպես արագ տեղի կունենար այս գործընթացը։

-Իհարկե, ես Ձեզ ասում էի, չէ՞, որ դեռևս հանձնաժողովի նախագահի որոշումը չեղած՝ իշխանություններն արդեն հայտարարում էին, որ նոր կառավարիչ պետք է լինի։ Բնականաբար, դա մի կենտրոնից ղեկավարվող պրոցես է, ՀԾԿՀ նախագահն էլ այդ որոշումը կայացրեց։

-Անկախ նրանից, թե այդ որոշումն ուսումնասիրելուց հետո ինչ եզրահանգման կգաք, երկուշաբթի օրը պատրաստվո՞ւմ եք Ռոմանոս Պետրոսյանին ըստ պատշաճի, այսպես ասած, ծաղիկներով, փուչիկներով դիմավորել։

-Այսինքն՝ Ձեր ասածն ընդունեմ որպես վիրավորա՞նք, թե՞ ոնց։ Դա վիրավորանք է, ես ծաղիկներով նրան ընդունեմ, որ ի՞նչ անեմ։ Ծաղիկներով ես կանանց եմ միայն դիմավորում։

-Ես անձամբ Ձեզ նկատի չունեմ, այլ ամբողջ հիմնարկը։

-Թեկուզ՝ հիմնարկը։ Բացի այդ, ես մի տեղ էլի եմ ասել, որ կարմիր գորգ փռել չեմ պատրաստվում, և մեր ընկերության սեփականատերը պետությունը, օրենքները հարգող մարդ է։ Քանի որ պետական կառույցները (էստեղ անձանց մասին խոսք չկա), այս դեպքում՝ ՀՀ Ազգային ժողովն ընդունել է օրենք, որի հիման վրա Հանրային ծառայությունները կարգավորող հանձնաժողովն ընդունել է որոշում, մենք էդ որոշումներին կենթարկվենք դեմ լինելով և բողոքարկելով։ Այսքան բան։ 

Շարունակությունը՝ սկզբնաղբյուր կայքում։