ԱՄՆ հետախուզությունը «կեղծ» է անվանել Ռուսաստանի կողմից ընտրություններին միջամտության մասին տվյալները

ԱՄՆ Ազգային հետախուզության տնօրեն Թուլսի Գաբարդը հայտարարել է, որ նախկին նախագահ Բարաք Օբամայի վարչակազմը կեղծել է 2016 թվականի ԱՄՆ ընտրություններին Ռուսաստանի ենթադրյալ միջամտության վերաբերյալ տվյալները: Ազգային հետախուզության ղեկավարը այս մասին գրել է X սոցիալական ցանցում։

«Ամերիկացիները վերջապես իմանում են ճշմարտությունն այն մասին, թե ինչպես է հետախուզությունը քաղաքականացվել և զենքի վերածվել Օբամայի վարչակազմի ամենաազդեցիկ մարդկանց կողմից 2016 թվականին», - ասել է նա։

Գաբարդը հավելել է, որ ընտրություններից մի քանի ամիս առաջ ԱՄՆ հետախուզությունը միակարծիք էր. Ռուսաստանը ո՛չ մտադրություն ուներ, ո՛չ էլ կարողություն՝ միջամտելու ԱՄՆ ընտրություններին: Սակայն 2016 թվականի դեկտեմբերին Դոնալդ Թրամփի հաղթանակից հետո Օբամայի վարչակազմը հրամայել է նոր զեկույց կազմել, որը հակասում էր նախորդ գնահատականներին։

«Հետախուզության հիմնական եզրակացությունը, որ Ռուսաստանը չի ազդել ընտրությունների արդյունքների վրա, հանվել է, ինչը հետախուզության՝ որպես քաղաքական գործիքի կոպտորեն օգտագործում էր»,-եզրակացրել է Գաբարդը։