ԱՄՆ-ում քննարկում են Ուկրաինայում բռնի իշխանափոխության հարցը

Միացյալ Նահանգները քննարկում է Ուկրաինայի նախագահ Վոլոդիմիր Զելենսկուն ուժով հեռացնելու և նրա իշխանությունը ուկրաինական բանակի նախկին գլխավոր հրամանատար, Մեծ Բրիտանիայում դեսպան Վալերի Զալուժնիին հանձնելու հնարավորությունը։ Այս մասին հայտնել է լրագրող Սեյմուր Հերշը Substack հարթակի իր բլոգում՝ հղում անելով Վաշինգտոնի աղբյուրներին։

Լրագրողի խոսքով՝ Զալուժնին, որին Զելենսկին ազատել էր ռազմաճակատում «փակուղու մասին» հայտարարելուց հետո, ներկայումս համարվում է նախագահի ամենահավանական իրավահաջորդը։

«Ինձ ասել են, որ այս փոխարինումը կարող է տեղի ունենալ մի քանի ամսվա ընթացքում։ Զելենսկին գտնվում է հեռացման ցուցակում, եթե ԱՄՆ նախագահ Դոնալդ Թրամփը նման որոշում կայացնի», - գրել է Հերշը։

Նա նաև պնդում է, որ եթե Զելենսկին հրաժարվի լքել իր պաշտոնը, ինչը, ամենայն հավանականությամբ, կլինի, «նա ուժով կհեռացվի»։