Միջուկային վտանգ չկա. ՄԱԳԱՏԷ

Միջազգային ատոմային էներգիայի գործակալության (ՄԱԳԱՏԷ) գլխավոր տնօրեն Ռաֆայել Գրոսսին հայտարարել է, որ Զապորոժժյեի ատոմակայանի մերձակայքում բռնկված հրդեհը չի սպառնում կայանի անվտանգությանը։

Գրոսսին նշել է, որ ՄԱԳԱՏԷ-ի մասնագետները տեսել են հրդեհից բարձրացող ծուխը, սակայն այն գտնվում է կայանից անվտանգ հեռավորության վրա։ Նրա խոսքով՝ այս պահի դրությամբ միջուկային անվտանգության սպառնալիք չկա։

Ավելի վաղ հաղորդվել էր, որ Ուկրաինայի ԶՈՒ հարվածից հետո հրդեհ էր բռնկվել ԶԱԷՍ-ին մոտ գտնվող անտառում։