Երեխաներ տեղափոխող ավտոբուս է շրջվել․ տվյալները ճշտվում են

Դաղստանի Գունիբի շրջանի Սալտա գյուղի մոտակայքում շրջվել է ուղևորատար ավտոբուս, որը, ըստ նախնական տվյալների, կարող էր տեղափոխել երեխաներ։ Այս մասին հայտնում է ՌԴ ԱԻՆ տարածաշրջանային վարչությունը։

Իրավապահ մարմիններն այժմ ճշգրտում են, թե արդյոք ավտոբուսում եղել են երեխաներ և կան արդյոք տուժածներ։ Այլ մանրամասներ այս պահին հայտնի չեն։

Ավելի վաղ Մոսկվայում տեղի ունեցած երկու ավտոբուսի բախման հետևանքով տուժել էր տասից ավելի մարդ։