Կարմիր Խաչի գլխավոր քարտուղարը նախազգուշացնում է սովի վտանգի մասին Գազայում

Կարմիր Խաչի և Կիսալուսնի միջազգային ֆեդերացիայի գլխավոր քարտուղար Ջագան Չափագայնը հայտարարել է, որ Գազայի բնակչությունը կանգնած է սովի սպառնալիքի առաջ։ Նրա խոսքով՝ շուկաներում ու բաշխման կետերում այլևս չեն հասանելի հիմնական սննդամթերքները։

Ըստ Չափագայնի՝ ալյուրի գինը հասել է մինչեւ 20 դոլար մեկ կիլոգրամի համար, ինչն անհնար է դարձնում բնակչության՝ նույնիսկ նվազագույն կալորիական կարիքները բավարարելը։ Նա կրկին կոչ է արել Իսրայելին բացել մարդասիրական ուղիները՝ ապահովելով օգնության ազատ մուտքը Գազա։

Գազայի շրջափակման պայմաններում երկու միլիոնից ավելի բնակիչներ կանգնած են հումանիտար աղետի եզրին, գրում է Al-Jazeera-ն։