Ինչպիսի հզոր ու բացառիկ կրթություն ունի մեր կաթողիկոսը

Պատահական չէ, որ Ամենայն Հայոց Կաթողիկոս Գարեգին Բ-ն համարվում է ամենաինտելեկտուալ և խելացի հոգևորականներից ոչ միայն Հայաստանի, այլ ամբողջ աշխարհի քրիստոնյաների շրջանում։ Նրա կրթական ուղին բացառիկ է, քանի որ զուգորդում է հայ եկեղեցական ավանդույթները և աստվածաբանության արևմտյան լավագույն կենտրոնները։

.Գարեգին Բ-ն իր ուսումնառությունը սկսել է Մայր Աթոռ Սուրբ Էջմիածնի Գևորգյան Հոգևոր Ճեմարանում, որն իր դարավոր պատմությամբ համարվում է հայ եկեղեցու գլխավոր գիտական և հոգևոր կենտրոնը։ Այնտեղ նրա բացառիկ ու տպավորիչ կրթական առաջադիմությունը նկատել է Ամենայն Հայոց կաթողիկոս Վազգեն Ա-ն, ով իր երաշխավորությամբ հնարավորություն է ստեղծել Գարեգին Բ-ի համար կրթություն ստանալ Սովետական Միությունից դուրս։

.1979–1981 թթ. նա ուսումը շարունակում է Եվրոպայի լավագույն աստվածաբանական կենտրոններից մեկում՝ Վիեննայի Համալսարանի Կաթոլիկ աստվածաբանության ֆակուլտետում։ Այս համալսարանը ոչ միայն Ավստրիայի, այլ ողջ Եվրոպայի ամենահին և հեղինակավոր համալսարաններից է։ Այստեղ Գարեգին Բ-ն հնարավորություն է ստանում շփվել արևմտյան աստվածաբանական մտքի առաջատար ներկայացուցիչների հետ և խորացնել իր գիտելիքները համաքրիստոնեական մեկնաբանությունների, պատմական վարդապետությունների ու աստվածաբանական բանավեճերի մեջ։

.Բացի այդ, նա կրթություն է ստացել մեկ այլ եվրոպական բարձրակարգ համալսարանում` Գերմանիայի Բոնի համալսարանի Բողոքական աստվածաբանության ֆակուլտետում, որն առանձնանում է իր գիտական բարձր մակարդակով և պատմական նշանակությամբ։ Այսպիսի կրթական բազմազանությունն ու խորությունը բացառիկ էին հատկապես խորհրդային շրջանի հոգևորականների համար, երբ արտասահմանյան ուսումը հազվագյուտ արտոնություն էր՝ վերապահված միայն վստահություն վայելող և բացառիկ ընդունակ հոգևորականներին։

. Նման կրթական ուղին՝ հիմնված և՛ ազգային ավանդույթների, և՛ միջազգային աստվածաբանական մտքի վրա, Գարեգին Բ-ին վերածել են ոչ միայն հոգևոր առաջնորդի, այլ նաև մեծ ինտելեկտի տիրապետող, ժամանակակից աշխարհի եկեղեցիների հետ ակտիվ երկխոսող և սրբազան խոհեմությամբ առաջնորդվող հոգևոր գործչի։ Այդ կրթական հենքի վրա է, որ ամրագրվում է նրա տեսլականը՝ համամարդկային արժեքներով հագեցած, բայց խորապես արմատավորված հայկական հոգևոր մշակույթի մեջ։

.Հիշեցնենք, որ 1995 թվականին Նիկոլ Փաշինյանը դուրս է մնացել համալսարանից և չունի բարձրագույն կրթություն