Իրանը չի բացառում ԱՄՆ-ի հետ ուղիղ հավասար բանակցությունների հնարավորությունը․ ԱԳ նախարար Արաղչի

Ապագայում Թեհրանը կարող է դիտարկել Վաշինգտոնի հետ ուղիղ բանակցությունների հեռանկարը։ Այս մասին հայտարարել է Իրանի արտաքին գործերի նախարար Աբբաս Արաղչին ամերիկյան Fox News հեռուստաալիքին տված հարցազրույցում։

Պատասխանելով լրագրողի հարցին՝ Իսլամական Հանրապետության՝ Միացյալ Նահանգների հետ ուղիղ բանակցությունների պատրաստակամության մասին, արտաքին գործերի նախարարության ղեկավարը նշել է, որ նման սցենարը հնարավոր է ապագայում։

Արաղչին ընդգծել է, որ ամեն ինչ կախված կլինի նրանից, թե արդյոք Վաշինգտոնը պատրաստ է հավասար պայմաններով լինել Թեհրանի հետ՝ հիմնվելով փոխադարձ հարգանքի և փոխադարձ շահերի վրա։