Թրամփի մաքսային քաղաքականությունը մեկ միլիարդ դոլարի կորուստ է պատճառել GM-ին

General Motors-ը երկրորդ եռամսյակում կրել է 1.1 միլիարդ դոլարի վնաս՝ ԱՄՆ նախագահ Դոնալդ Թրամփի սահմանած մաքսային քաղաքականության արդյունքում։ Չնայած այդ կորուստին, ընկերությունը գերազանցել է վերլուծաբանների սպասելիքները՝ հիմնականում շնորհիվ բենզինով աշխատող բեռնատարների և SUV-ների ուժեղ վաճառքի։

GM-ը հայտարարել է, որ մաքսային ճնշումները կարող են ընդհանուր վնաս հասցնել մինչև 5 միլիարդ դոլարի չափով, իսկ 30 տոկոսի վնասը փորձելու է մեղմել ներքին միջոցներով։ Միաժամանակ, ընկերության բաժնետոմսերը ընկել են 6 տոկոսով։

Էլեկտրամոբիլների պահանջարկի թուլացման և հարկային արտոնությունների մոտալուտ ավարտի ֆոնին՝ ավտոարտադրողները, այդ թվում՝ GM-ն ու Ford-ը, վերակենտրոնանում են ավանդական մեքենաների արտադրության վրա։ GM-ը արդեն ներդրում է կատարել 4 միլիարդ դոլար՝ ԱՄՆ-ի երեք գործարաններում բենզինով աշխատող մոդելների արտադրությունն ընդլայնելու համար։