Գիտնականները հայտնաբերել են երկու քաղցկեղային դեղամիջոց, որոնք դանդաղեցնում են Ալցհեյմերի զարգացումը

ԱՄՆ գիտնականները պարզել են, որ երկու հայտնի քաղցկեղի դեմ դեղամիջոցների՝ լետրոզոլի և իրինոտեկանի համադրությունը կարող է դանդաղեցնել կամ նույնիսկ հետ շրջել Ալցհեյմերի հիվանդության ուղեղում առաջացնող փոփոխությունները։ Գյուտը հրապարակվել է Cell գիտական ամսագրում։

Հետազոտության ընթացքում վերլուծվել են ավելի քան 1300 հաստատված դեղամիջոցի ազդեցությունները՝ համեմատելով դրանք Ալցհեյմերի ժամանակ գեների ակտիվության փոփոխությունների հետ։ Մկների վրա անցկացված փորձերում հայտնաբերվել է, որ այդ երկու դեղամիջոցների համադրությունը նվազեցրել է թունավոր սպիտակուցների կուտակումն ուղեղում, բարելավել է հիշողությունը և վերականգնել է նեյրոնային բջիջների գործառույթները։

Մշակողները նշում են, որ այս դեղաբանական մոտեցումը կարող է արագ անցնել կլինիկական փորձարկումների փուլ և դառնալ նոր խոստումնալից մեթոդ՝ դեմենցիայի դեմ պայքարում, հայտնում է Лента.ру-ն։