Եթե որպես քաղաքացի առաջնորդի Եկեղեցու դեմ, մի մարդ էլ չի գա․ Hraparak

«Հրապարակը» գրում է․

Փորձեք որևէ աղանդավորականի մի բան ասել։ Փորձեք, եթե դեռ չեք փորձել,  ԼԳՏԲ որևէ անդամի մասին մի բան գրել։ Անմիջապես ոստիկանություն կդիմի ու տարբեր ծակերից դուրս կթռչեն աղանդավորներ, որոնք կսկսեն ցուցմունք տալ, թե դու ատելություն ես սերմանում, կրոնական փոքրամասնությունների կամ եսիմինչերի նկատմամբ անհանդուրժողականություն ես ցուցաբերում։ Նման դեպքում իրավական համակարգը լավ աշխատում է։ Բայց այն, ինչ կատարվում է այսօր մեր Եկեղեցու դեմ՝  երկրի առաջին դեմք կոչեցյալի մակարդակով, ոչ մի իրավական գնահատականի չի արժանանում։ Ասես հենց  այդպես էլ պետք է լիներ։ Կարելի նսեմացնել մեր հավատը, ծաղրել, անարգանքի ենթարկել ու ասել՝ ես դա անում եմ որպես քաղաքացի, ես վարչապետ չեմ։

Մամուլում ևս ընկել են Փաշինյանի խելքով ու գրում են, թե նա արձակուրդի գնացել, որպեսզի ասի՝ ես վարչապետ չեմ, քաղաքացի եմ և խումբ եմ առաջնորդում վեհարանի, վեհի դեմ։ Սա ուղղակի զավեշտ է։ Եթե դու որպես քաղաքացի առաջնորդես եկեղեցու դեմ սկսած արշավդ, մի մարդ էլ չի գա։ Դու օգտագործում ես պետական, ուժային ողջ լծակները, ռեսուրսները, մոբիլիզացնում ես պետական կառույցները։ Վկայությունը այն, որ իրավական համակարգը մեր կաթողիկոսին, հոգևոր հայրերին ծաղրելու, անպատվելու համար ոչ մի քայլ չի կատարում։ ՀՀ հազարավոր  քաղաքացիներ  Նիկոլի նման ասում են՝ ի՞նչ ես ուզում մեր հավատից, կաթողիկոսից, սրբազաններից, հանգիստ թող մեզ, ինչու՞ ընթացք չի տրվում։ Ինչու՞ հիմք չի ընդունվում բազմահազար գրառումները նրա պառակտիչ գործելակերպի  վերաբերյալ։ Որովհետև վարչապե՞տ է։

Եթե  քաղաքացի է, ինչու՞ տասնյակ  հազարավոր քաղաքացիների ընդզումներին  չեք արձագանքում, և արձագանքը լինում ձերբակալությունը կամ գործ կարելը։ Նիկոլ Փաշինյանը արձակուրդում լինի, թե եսիմ որտեղ, եթե երկրի ղեկավար է կոչվում, երկրի անվտանգության պատասխանատուն է։ Աստված չանի, եթե պատերազմ լինի, ասելու է՝ ես քաղաքացի՞ եմ, չե՞մ կարող գալ։ Ես չգիտեմ ինչպե՞ս եք խճճվել Նիկոլի թակարդում, որ նրա խոսքը լուրջ եք ընդունում։ Մի պարզ ճշմարտություն ասեմ, եթե Փաշինյանը որպես քաղաքացի առաջնորդի եկեղեցու դեմ սկսած արշավը, անգամ իր ընտանիքը չի գնա։ Կմտածեի, որ մարդը «խփնվել է»։ Այսօր նա օգտագործում է պետական ողջ լծակները և թող «սատանի մայլում քյանդիրբազ չխաղա» կամ էլ քաղաքացի խաղալով, մեզնից մեկը ձևանալով Հայաստանը չտանի քարտեզից դուրս վիճակի։