Հրշեջ-փրկարարները մարել են բեռնատար ավտոմեքենայում և հարակից խոտածածկ տարածքում բռնկված հրդեհը
Արտակարգ Պատահար
Հուլիսի 22-ին, ժամը 16:53-ին ՆԳՆ ՓԾ Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մեղրի-Վարդանիձոր ավտոճանապարհին այրվում է բեռնատար ավտոմեքենա:
Դեպքի վայր են մեկնել մարզային փրկարարական վարչության ստորաբաժանումների մարտական հաշվարկներն ու օպերատիվ խումբը։
Պարզվել է, որ Մեղրի-Վարդանիձոր ավտոճանապարհի 10-րդ կմ-ին այրվում է բիտումով բարձված բեռնատար ավտոմեքենայի վարորդի խցիկը․ հրդեհը տարածվել է դեպի հարակից խոտածածկ տարածք:
Մինչ փրկարարների կանչի վայր հասնելը՝ ուղևորը տեղափոխվել է բժշկական կենտրոն։
Հրշեջ-փրկարարները մարել են հրդեհը՝ կանխելով տարածումն ինչպես դեպի բարձված բիտում, այնպես էլ խոտածածկ տարածքից դեպի անտառ:
Հրդեհաշիջման աշխատանքներին օժանդակել են էկոպարեկային ծառայության աշխատակիցները:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
