Լարված իրավիճակ կառավարության շենքի դիմաց․ վարչապետը հանդիպեց ցուցարարների հետ
Հասարակություն
Կառավարության շենքի դիմաց լարված վիճակ է։ Բողոքի ցույց անող արծվաշենցիները փորձել են ներխուժել կառավարության շենք, սակայն ոստիկանները նրանց թույլ չեն տվել։
Ակցիայի մասնակիցների պահանջն է նոր կառավարությանը՝ փոխհատուցել իրենց կորցրած 5 հազար հեկտար տարածքի համար։
«2009 թվականին կառավարության որոշում է եղել արծվաշենցիների կորուստները փոխհատուցելու՝ 6 մլրդ դրամ հատկացնելու վերաբերյալ։ Փոխհատուցման ընդամենը 10 տոկոսն է վճարվել 2011-ին, մեկ շնչին՝ 360 հազար, այն դեպքւմ, երբ մարդիկ մեծ կորուստներ են ունեցել։ Արծվաշենցիները՝ որպես տեղահանվածներ՝ ծվարել են Ճամբարակում՝ խարխուլ տներում, որոնց մեծ մասը քանդման ենթակա է»,-ասաց ակցիայի մասնակիցներից մեկը և հավելեց, որ իրենց հույսը վարչապետն է։
Իրավիճակը շտկելու համար վարչապետ Նիկոլ Փաշինյանը դուրս եկավ ցուցարարների հետ հանդիպման։
Վարչապետը նշեց, որ խնդրին ծանոթանալուց հետո միայն կարող է ինչ-որ բան ասել, բայց երաշխավորեց, որ հարցն օրինական դաշտում կլուծվի։
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
