Պերուում ցույցերի պատճառով հարյուրավոր զբոսաշրջիկներ արգելափակվել են Մաչու Պիկչուում

Մոտ 300 զբոսաշրջիկներ ամբողջ աշխարհից մնացել են հնագույն Մաչու Պիկչու քաղաքում՝ Պերուի բողոքի ցույցերի պատճառով։ Այս մասին հայտնում է CNN-ը։

Մաչու Պիկչուի քաղաքապետ Դարվին Բաքը հայտնել է, որ արգելափակված զբոսաշրջիկների թվում են պերուացիներ, հարավամերիկացիներ, ամերիկացիներ և եվրոպացիներ:

«Մենք կառավարությանը խնդրել ենք օգնել մեզ և ուղղաթիռներ ուղարկել զբոսաշրջիկներին տարհանելու համար», - ասել է նա: Քաղաքապետը նշել է, որ քաղաք մտնելու և դուրս գալու միակ ճանապարհը գնացքն է։ Բայց երկաթուղու աշխատանքը դադարեցվել էր երեքշաբթի օրը՝ դեկտեմբերի 13-ին։

Քաղաքապետը նաև զգուշացրել է, որ Մաչու Պիկչուում արդեն սննդի պակաս կա։

Պետքարտուղարության ներկայացուցիչը CNN-ին ասել է, որ ԱՄՆ-ն կապի մեջ է Պերուում արգելափակված ԱՄՆ քաղաքացիների հետ:

Պերուում ԱՄՆ դեսպանատունը հայտնել է, որ Պերուի կառավարությունը կազմակերպում է օտարերկրացիների տարհանումը Ագուաս Կալիենտես քաղաքից, որը ծառայում է՝ որպես Մաչու Պիկչու տանող հիմնական մուտք:

Ավելի վաղ հաղորդվել էր, որ Պերուի իշխանությունները պարետային ժամ են սահմանել 15 նահանգներում՝ հակակառավարական ցույցերի պատճառով։

Պերուի դատարանը նախօրեին որոշել է 18 ամսով ազատազրկել երկրի նախկին նախագահ Պեդրո Կաստիլյոյին՝ կապված ընթացող հետաքննության հետ։

Դեկտեմբերի 7-ին Պերուի Կոնգրեսը իմպիչմենտի ենթարկեց Կաստիլյոյին, որին ոստիկանությունը ձերբակալել էր ապստամբության և իշխանության չարաշահման կասկածանքով։ Դրանից հետո երկրում սկսվեցին հակակառավարական ցույցեր՝ արտահերթ ընտրությունների պահանջով։

Դեկտեմբերի 14-ին Պերուի իշխանությունները արտակարգ դրություն են հայտարարել ամբողջ երկրում։

Այս թեմայով Եվրոպական 11 երկներում տեղի կունենան ցույցեր՝ հաջակցություն «Տավուշը հանուն հայրենիքի» շարժման ԱՄՆ համալսարաններում զանգվածային բողոքի ցույցեր են (լուսանկարներ) «Ոտքի՛ քանի չի հանձնել» գրությամբ պաստառներ են հայտնվել Երևանի տարբեր վարչական շրջաններում (լուսանկարներ) ՀԱՄԱՍ-ի նախկին ղեկավարը կոչ է արել ցույցեր կազմակերպել, միանալ Իսրայելի դեմ պատերազմին Պերուում 76 ուղևորներով ավտոբուսն ընկել է գետը. կան զոհեր Պերուում խոշոր ջրհեղեղի հետևանքով՝ 18 մարդ է զոհվել Պերուում տեղի ունեցած անկարգությունների պատճառով՝ աշխարհում պղնձի դեֆիցիտ է առաջացել Պերուում նախագահի ձերբակալությունից հետո ընտրել են առաջին կին նախագահին Պերուի նախագահը ձերբակալվել է Ադրբեջանում բերման է ենթարկվել ավելի քան 200 ցուցարար (լուսանկարներ, տեսանյութ)