«Գեղարդ» գիտավերլուծական հիմնադրամը գիտական հենքով վերլուծություններ է ներկայացնում տարածաշրջանի և դրա ներսում տեղի ունեցող գործընթացների վերաբերյալ. «Փաստ»

«Փաստ» օրաթերթը գրում է.

«Գեղարդ» գիտավերլուծական հիմնադրամը ստեղծվել է 2023 թ.-ին Գիտությունների ազգային ակադեմիայում: «Տարեթվի առումով խորհրդանշական որևէ բան չկա, ուղղակի 2023 թ.-ին հաջողեցինք Ակադեմիայում ստեղծել նման կառույց: Ճիշտ կլիներ, եթե նման կառույց ունենայինք դեռևս 1994 թ.-ից սկսած, երբ Արցախյան առաջին պատերազմում կնքվեց հրադադարը: Հայաստանում եղել են տարաբնույթ կառույցներ, կան մասնագետներ, ինստիտուտներ, որոնք աշխատում են այս ուղղությամբ, բայց համակարգված հիմնադրամի, կազմակերպության տեսքով չենք ունեցել»,-Փաստի» հետ զրույցում ասում է «Գեղարդ» գիտավերլուծական հիմնադրամի տնօրեն Ռոբերտ Ղազարյանը՝ ընդգծելով, որ այս տարեվերջին կնշեն իրենց գործունեության մեկ տարին: «Կարծում եմ՝ բավականին հաջողությունների ենք հասել այս ուղղությամբ»:

«Գեղարդ» գիտավերլուծական հիմնադրամի հիմնական ուղղությունները տարածաշրջանի պատմության և տարածաշրջանում տեղի ունեցող գործընթացների վերլուծությունն է գիտական հենքով: «Վերլուծական և քաղաքագիտական կենտրոններ շատ ունենք, բայց մեր առաջնահերթությունն է, որ վերլուծությունները ներկայացնում ենք գիտական հենքով: Մեկ բան է ուղղակի վերլուծություն անելը, մեկ այլ բան՝ այդ վերլուծությունը շաղկապել գիտական գրականության, աղբյուրների հիման վրա, որպեսզի քո հնչեցրած խոսքը լինի հարյուր տոկոսանոց: Համոզված ենք, որ մեր խոսքն օբյեկտիվ է, քանի որ այն նախ և առաջ գիտական է՝ հիմնված գիտական արդյունքների, աղբյուրների և գրականության վրա:

Երկրորդը՝ կապված ադրբեջանցիների ակտիվ գործունեության հետ, պետք է հակադարձենք և դիմագրավենք նրանց կեղծարարությունների հորձանուտին: Տարիներ շարունակ ասվել է, թե ինչո՞ւ չենք արձագանքում դրանց, ինչի հետ այդքան էլ համաձայն չեմ, որովհետև եղել են շատ արձագանքներ, հրապարակումներ, հրատարակություններ: Խնդիրն ուղղակի այն է, որ այդ հրատարակությունների, հրապարակումների զգալի մասը եղել է հայերեն, և մենք մեր շրջանակներից դուրս չենք եկել: Մեր նյութերն առայժմ հրապարակում ենք չորս լեզվով՝ հայերենով, ռուսերենով, անգլերենով և ադրբեջաներենով, և դա սոցցանցերով տարածում ենք աշխարհով մեկ: Բոլոր սոցցանցերը, ռեսուրսներն օգտագործում ենք, կան մարդիկ, որոնք մեզ աջակցում են այդ հարցերում նաև արտերկրում: Փորձում ենք այս հրապարակումները հասցնել նաև ադրբեջանական հասարակությանը: Գիտենք, թե ինչպիսի ռեժիմ է այնտեղ աշխատում, ինչպես են մարդկանց ճնշում, թույլ չեն տալիս, որ նրանց ճիշտ և օբյեկտիվ ինֆորմացիա հասնի, և մանկապարտեզից սկսած այդ հասարակությունը դաստիարակվում է սխալ, կեղծ և հակահայկական ինֆորմացիայով, որը ոչ մի լավ բանի չի հանգեցնում և՛ մեզ, և՛ տարածաշրջանի համար: Ուրախ ենք, որ մեր տարածած նյութերը տեղ են գտնում հարևան երկրի հասարակությունում, երբեմն իրենք իրենց մեջ քննարկումներ են կազմակերպում: Կարևոր է ճշմարտությունը հասցնել մեր հարևան ոչ բարեկամ երկրի դաշտ»,-նշում է մեր զրուցակիցը: Հավելում է՝ ալիևյան ռեժիմի կողմից հսկայական ռեսուրսներ են ծախսվում այդ հարցերի լուծման համար, և մեկ հիմնադրամի միջոցով հնարավոր չէ դա «ծածկել»:

«Բայց կարծում եմ, որ ժամանակի ընթացքում այդ գործում կհաջողենք: Մեզ համար կարևոր է ոչ միայն հակադարձելը, այլ որոշ թիրախային խնդիրների լուծումը: Պետք է իրենցից մեկ քայլ առաջ լինենք, ճշմարտությունը մեր կողմում է, պետք է առավելագույնս դա օգտագործենք: Մեր նպատակին հասնելու համար ոչ միայն սոցցանցերը պետք է օգտագործենք, այլ նաև օտար լեզուներով գրքեր, գրականություն տպագրենք: Վերջերս Ռուբեն Գալչյանի գիրքը տպագրեցինք, շնորհանդես կազմակերպեցինք, փորձում ենք այն առավելագույնս տարածել, որ իրականությունը նաև գրքային տեսքով հասանելի լինի: Այլ ծրագրեր նույնպես կան, առայժմ փակագծեր չեմ բացի, խոսքը կոնֆերանսների, գրքերի, սոցցանցերում մեր գործունեությունն էլ ավելի ակտիվացնելու մասին է»,-եզրափակում է Ռոբերտ Ղազարյանը:

ԼՈՒՍԻՆԵ ԱՌԱՔԵԼՅԱՆ

Այս թեմայով Բրյուսելում տեղի է ունեցել երաժշտական երեկո՝ նվիրված Արցախին ու արցախահայությանը Ճապոնիայում 5,9 բալ ուժգնությամբ երկրաշարժ է տեղի ունեցել Աննա Հակոբյանի հիմնադրամը և Չինաստանի «Soong Ching Ling» հիմադրամի բարեգործական հիմնադրամները պայմանավորվել են գործակցել մի շարք ծրագրերի շրջանակում Լեռնային Ղարաբաղում վերջին տարիներին տեղի ունեցած իրադարձությունների մեղքը կրում է Հայաստանի ղեկավարությունը․ Լուկաշենկո Տավուշի մարզպետը Կիրանցի բնակչի հետ «բազար է արել» փոխհատուցվող գումարի չափի վերաբերյալ «Գեղաձոր» գյուղի ճանապարհին բռնություն գործադրելու և խուլիգանություն կատարելու վերաբերյալ վարույթով նախաքննությունը շարունակվում է Մենք սկզբունքային դիրքորոշում ունենք սահմանների անձեռնմխելիության վերաբերյալ. Իրանի ԱԳ փոխնախարար Խոյ համայնքը կահույք է գնել շուկայականից թանկ գնով. «Ժողովուրդ» Փաշինյան-Բլինքեն հեռախոսազրույց է տեղի ունեցել․ քննարկել են «խաղաղության գործընթացը» Շիրակի մարզում խոշոր ավտովթար է տեղի ունեցել․ 6 վիրավոր կա