Մահացել է «Կլոն» սերիալից հայտնի բրազիլացի դերասանուհին (լուսանկարներ)
Другое![Մահացել է «Կլոն» սերիալից հայտնի բրազիլացի դերասանուհին (լուսանկարներ)](/timthumb.php?src=disc/18-01-22/147e1cd6ca89fd580c95b11e02577e4a.jpg&w=780)
Մահացել է բրազիլացի դերասանուհի Ֆրանսուազա Ֆորթոնը, ով մարմնավորել է բժիշկ Ալբիերիի օգնական Սիմոնեի դերը «Կլոն» հեռուստասերիալում։ Այս մասին հայտնում է G1 պորտալը։
Դերասանուհին մահացել է հունվարի 16-ին։ Վերջին չորս ամիսների ընթացքում 64-ամյա Ֆորթոնը հոսպիտալացված էր արգանդի վզիկի քաղցկեղի պատճառով, որը նրա մոտ ախտորոշվել էր 1989 թվականին։
Արտիստի մահվան կապակցությամբ ցավակցություններն ընդունում են նրա ամուսինը՝ թատերական պրոդյուսեր Էդուարդո Բարատան և որդին՝ Գիլերմե Ֆորթոն Վիոտին։
«Հարգելի Ֆրանսուազա Ֆորթոն, ցավում եմ: Թող Աստված ձեզ շատ լույսով ընդունի»,- Instagram-ում գրել է դերասանուհի Նիվեա Ստելմանը:
Ֆ. Ֆորթոնը ծնվել է 1957 թվականին Ռիո դե Ժանեյրոյում։ Նա իր հեռուստատեսային դեբյուտը կատարել է դեռահաս 1969 թվականին՝ խաղալով «Վերջին վալս» հեռուստասերիալում։ Ֆրանսուազա Ֆորթոնը նկարահանվել է ավելի քան 40 հեռուստասերիալում, այդ թվում՝ «Կլոն» և «Հանուն սիրո», «Իմ սեր, իմ վիշտ» և այլն։ Նա շարունակել է խաղալ կինոյում մինչև 2019 թվականը։
![](disc/18-01-22/40025abe77e40b0660db5e86e76ccfc5.jpg)
![](disc/18-01-22/f1ae4a16c31fe700c53d80ba9da80ff9.jpg)
![](banners/armflix.jpg)