ՄԱԿ-ում քննադատել են ԼԳԲՏ շարժումը ծայրահեղական ճանաչելու ՌԴ Գերագույն դատարանի որոշումը
Мир![ՄԱԿ-ում քննադատել են ԼԳԲՏ շարժումը ծայրահեղական ճանաչելու ՌԴ Գերագույն դատարանի որոշումը](/timthumb.php?src=disc/30-11-23/715f54fdb483f767367796ade2fe022f.jpg&w=780)
ՄԱԿ-ի Մարդու իրավունքների գերագույն հանձնակատար Ֆոլքեր Թյուրքը դատապարտել է Ռուսաստանի Գերագույն դատարանի որոշումը՝ «ԼԳԲՏ հասարակական միջազգային շարժումը» ծայրահեղական ճանաչելու մասին։ Նա կոչ է արել Ռուսաստանի Դաշնությանը չեղյալ հայտարարել այն օրենքները, որոնք խտրականության են ենթարկում ԼԳԲՏ համայնքին, հայտնում է Reuters-ը։
«Ես կոչ եմ անում Ռուսաստանի իշխանություններին անհապաղ չեղյալ համարել օրենքները, որոնք անհարկի սահմանափակումներ են դնում իրավապաշտպանների աշխատանքի վրա կամ խտրականության են ենթարկում ԼԳԲՏ մարդկանց», - ասել է Թյուրքը:
ՄԱԿ-ի Մարդու իրավունքների գրասենյակի խոսնակ Ռավինա Շամդասանին գործակալությանը հայտնել է, որ Ռուսաստանում ԼԳԲՏ համայնքի վիճակը գնալով վատանում է, և դրա անդամները վախենում են ձերբակալություններից և հետապնդումներից։
![](banners/armflix.jpg)