Լավրովը նշել է, թե որ երկիրն է լինելու Ռուսաստանի դեմ հիբրիդային պատերազմի հաջորդ զոհը
Мир![Լավրովը նշել է, թե որ երկիրն է լինելու Ռուսաստանի դեմ հիբրիդային պատերազմի հաջորդ զոհը](/timthumb.php?src=disc/30-11-23/71b4c9eaf294640b78f4df336ac79bd3.jpg&w=780)
Մոլդովան կդառնա հիբրիդային պատերազմի հաջորդ զոհը, որը արևմտյան երկրները սանձազերծել են Ռուսաստանի դեմ։ Այս մասին հայտարարել է ՌԴ ԱԳ նախարար Սերգեյ Լավրովը ԵԱՀԿ ԱԳ նախարարների խորհրդի նիստում։
Դիվանագետը նշել է, որ մեր մայրցամաքի խնդիրները ԵԱՀԿ սկզբունքներով լուծելու խափանված փորձերից էր «Կոզակի հուշագիրը», որը կարող էր կարգավորել իրավիճակը Մոլդովայում 20 տարի առաջ։ Այն ժամանակ Բրյուսելը տորպեդահարեց Քիշնևի և Տիրասպոլի ստորագրած փաստաթուղթը, և այժմ արևմտյան ներկայացուցիչները «սպանում են նաև 5+2 ձևաչափը՝ վերջին բանը, որ մնում է մերձդնեստրյան կարգավորման համատեղ ջանքերից։
«Փաստորեն, Մոլդովային վիճակված է դառնալ Ռուսաստանի դեմ Արեւմուտքի սանձազերծած հիբրիդային պատերազմի հաջորդ զոհը։ Յուրաքանչյուր երկիր, որտեղ այժմ գործում են արևմտյան էմիսարները, հիմնադրամները և այսպես կոչված ոչ կառավարական կազմակերպությունները, պետք է մտածի այդ մասին»,- ընդգծել է Լավրովը։
![](banners/armflix.jpg)