Հայ 83-ամյա կինը դիմել է դատարան՝ պահանջելով, որ Պուտինը որդեգրի իրեն
Фотографии![Հայ 83-ամյա կինը դիմել է դատարան՝ պահանջելով, որ Պուտինը որդեգրի իրեն](/timthumb.php?src=disc/07-12-23/5c251cdcb4f22ad27d1a59cac3195ba7.jpg&w=780)
Մոսկվայում «Փարոս» սրճարանի 83-ամյա հիմնադիր Սուսաննա Թապալցյանը հայց է ներկայացրել դատարան՝ ՌԴ նախագահ Վլադիմիր Պուտինից պահանջելով իրեն որդեգրել, հայտնում է MSK1.RU-ն։
Կինը երկար տարիներ պայքարում է Բրիգադիրսկի նրբանցքում գտնվող տարածքների համար, որտեղ նախկինում գտնվել է հաստատությունը: Նրա ընտանիքը եկել է այն եզրակացության, որ իրավիճակը կարող են փոխել միայն ազդեցիկ հարազատները։
«Մենք այնտեղ ունեինք մեր «Փարոս» ռեստորանը։ Իսկ հիմա ստիպված ենք ուրիշ տեղ վարձել։ Ողբերգություն է: Նրանք ոչ միայն այսպես «գեղեցիկ օրինական ճանապարհով» կատարեցին մեր տարածքի ռեյդերային զավթումը, այլև երեք միլիոն պարտք դրեցին մորս կենսաթոշակային քարտի վրա, իբր իրավաբանական ծառայությունների դիմաց փոխհատուցում՝ այն դեպքում, երբ մայրս պաշտպանվել էր դատարանում։ Իսկ հիմա նրա թոշակի կեսը գնում է այդ պարտքը փակելու համար»,- մեկնաբանել է ձեռներեցի դուստրը։
Կինը հայցը ներկայացրել է Մոսկվայի Տվերսկոյի դատարան դեկտեմբերի 5-ին։ «Խնդրում եմ պարտավորեցնել պատասխանող, ՌԴ նախագահ Վլադիմիր Վլադիմիրովիչ Պուտինին որդեգրել հայցվոր Սուսաննա Խրիստոֆորովնա Թափալցյանին»,- ասվում է փաստաթղթում։
![](disc/07-12-23/b24157dc8a4429136c4641aa8bd93de1.jpg)
![](banners/armflix.jpg)