Ընդդիմադիր պատգամավորները ծանոթացել են խաղաղության պայմանագրի վերաբերյալ վերջին առաջարկներին
Политические![Ընդդիմադիր պատգամավորները ծանոթացել են խաղաղության պայմանագրի վերաբերյալ վերջին առաջարկներին](/timthumb.php?src=disc/08-12-23/32a23a17dc24164ea50751f6932f998c.jpg&w=780)
«Հայաստան» խմբակցության պատգամավոր Աննա Գրիգորյանը հայտնում է, որ պատգամավորներ Գեղամ Մանուկյանի և Քրիստինե Վարդանյանի հետ ԱԳՆ շենքում ծանոթացել են Հայաստանի և Ադրբեջանի հարաբերությունների կարգավորման պայմանագրի վերաբերյալ երկու երկրների վերջին առաջարկներին․
«Երկար պնդումներից ու հարցումներից հետո այսօր ԱԳՆ շենքում ծանոթացանք Հայաստանի և Ադրբեջանի հարաբերությունների կարգավորման պայմանագրի վերաբերյալ երկու երկրների վերջին առաջարկներին:
Այս պահին կարող ենք արձանագրել հետևյալը. թեև չենք կարող հրապարակել հույժ գաղտնի նշումով փաստաթղթի բոլոր կետերը, սակայն արձանագրենք, որ առաջարկներին ծանոթանալը միայն փաստեց դրա վտանգավորությունը և ամրապնդեց բոլոր այն մտավախությունները, որոնք մենք այս հարցի շուրջ արտահայտել ենք ավելի վաղ»,- գրել է Գրիգորյանը։
Հիշեցնենք, որ ՀՀ ԱԳ նախարար Արարատ Միրզոյանը Կառավարություն-ԱԺ հարցուպատասխանի ժամանակ պատգամավոր Գեղամ Մանուկյանին անձամբ հրավիրել էր ԱԳՆ՝ խաղաղության պայմանագրի վերաբերյալ վերջին առաջարկներին ծանոթանալու համար. «Կարող եք գալ ԱԳՆ իմ աշխատասենյակ ու ծանոթանալ Բաքվի հետ բանակցային փաթեթին»,- ասել էր Միրզոյանը։
![](banners/armflix.jpg)