«Հայաստանը քաղաքական կամք է ցուցաբերում նվազեցնելու ՌԴ-ից անվտանգության կախվածությունը». Անդրյուս Կուբիլյուս
Иностранный![«Հայաստանը քաղաքական կամք է ցուցաբերում նվազեցնելու ՌԴ-ից անվտանգության կախվածությունը». Անդրյուս Կուբիլյուս](/timthumb.php?src=disc/28-02-24/6f338a83b7daf1f8d5042ab0f7f85c61.jpg&w=780)
Եվրոպական խորհրդարանի՝ Հայաստան-ԵՄ հարաբերությունների վերաբերյալ նիստում ելույթ է ունեցել Եվրախորհրդարանի պատգամավոր, Լիտվայի նախկին վարչապետ Անդրյուս Կուբիլյուսը, հաղորդում է News.am–ը:
«Մենք տեսնում ենք, որ Հայաստանը՝ վարչապետ Նիկոլ Փաշինյանի ղեկավարությամբ, հստակ քաղաքական կամք է ցուցաբերում նվազեցնելու Ռուսաստանից անվտանգության կախվածությունը: Մենք հիշում ենք նաև, որ անցյալ տարի հոկտեմբերի 17-ին պարոն Փաշինյանը հայտարարեց, որ Հայաստանը ցանկանում է այնքան մոտ լինել Եվրոպային, որքան Եվրոպան հնարավոր կհամարի:
Մենք ողջունում ենք վարչապետ Նիկոլ Փաշինյանի խիզախ հայտարարությունն ու քայլերը, որոնք այդ երկիրը մոտեցնում են Եվրամիությանը:
Եվրախորհրդարանը պետք է քաղաքական պատասխան տա, առաջարկի Հայաստանի հետ իրական հարաբերությունների ապագայի հավակնոտ օրակարգ:
Հայաստանը ցանկանում ենք տեսնել որպես եվրոպական ընտանիքի մաս, որը կվայելի ինտեգրման լիարժեք առավելությունները:
ԵՄ-ն պետք է քայլ առ քայլ մշակի լայն քարտեզ՝ Հայաստանը նախապատրաստելու ԵՄ-ին մերձեցմանը, ներառյալ նրա՝ թեկնածուի կարգավիճակը։
Մյուս կողմից էլ ակնհայտ է, որ Ռուսաստանը զայրացած կարձագանքի Հայաստանի նման խիզախ պահվածքին, և դա կդառնա անվտանգության ու տնտեսական մարտահրավեր Հայաստանի համար:
Հայաստանը Եվրամիությունից և արևմտյան ժողովրդավարությունից երաշխիքների կարիք ունի, և Եվրամիությունը պետք է ընդունի Ռուսաստանի կողմից Հայաստանի համար ստեղծված տնտեսական մարտահրավերները:
Հայաստանի եվրոպական հեռանկարը կայունության հաստատման միակ ճանապարհն է: Դա շահավետ կլինի նաև Ադրբեջանի համար»,- նշել է եվրապատգամավորը:
![](banners/armflix.jpg)