Փաշինյանը պարզ ասել է՝ ՀՀ-ն Եվրոպայի կողքին է, պատրաստ է համագործակցության ԵՄ-ի հետ. Կալյուրանդ
Иностранный![Փաշինյանը պարզ ասել է՝ ՀՀ-ն Եվրոպայի կողքին է, պատրաստ է համագործակցության ԵՄ-ի հետ. Կալյուրանդ](/timthumb.php?src=disc/29-02-24/f5c25d1beb87ede3fcbbaf519faf9671.jpg&w=780)
Հայաստանի վարչապետ Փաշինյանը պարզ ասել է, որ Հայաստանը Եվրոպայի կողքին է և պատրաստ է սերտ համագործակցության ԵՄ-ի հետ: Այս մասին հայտարարել է ԵԽ Հարավային Կովկասի հետ կապերի պատվիրակության նախագահ Մարինա Կալյուրանդը:
«Սա պայմանավորված է ոչ միայն տնտեսական իրավիճակով, այլև երկրի եվրոպական արժեքների հարցում պարտավորվածությամբ և անվտանգության բարդ իրավիճակով: Ես ողջունում եմ Եվրամիության առաքելությունը Հայաստանում և հանրապետության ներգրավվածությունը խաղաղության ծրագրին: Կարծում եմ, որ հիմա ճիշտ ժամանակն է սկսել երկխոսությունը վիզայի ազատականացման հարցով և աջակցել, որ Հայաստանն ավելի լայն ընդգրկվի կապի և տարածաշրջանային այլ ծրագրերում»,- ասել է նա:
Կալյուրանդի խոսքով, Հայաստանը շատ գործ ունի անելու, մասնավորապես երկիրը մեծապես կախված է Ռուսաստանից, այնտեղ է տեղակայված ռուսական բազան:
Նա կոչ է արել Ադրբեջանի ղեկավարությանն ստորագրել խաղաղության համապարփակ համաձայնագիր, որը նախատեսում է միմյանց ինքնիշխանության և տարածքային անձեռնմխելիության ճանաչում, ուժի չկիրառում:
![](banners/armflix.jpg)