Գյումրիում անցկացվեց «Առողջությունը՝ բարեկեցության գրավական. WiRED» եռօրյա դասախոսությունների շարքը
Общество![Գյումրիում անցկացվեց «Առողջությունը՝ բարեկեցության գրավական. WiRED» եռօրյա դասախոսությունների շարքը](/timthumb.php?src=disc/03-03-24/5ad62c04f0fe1e680748252433049576.jpg&w=780)
Գյումրիում փետրվարի 29-ից մարտի 2-ն անցկացվեց «Առողջությունը՝ բարեկեցության գրավական. WiRED» եռօրյա եռօրյա դասախոսությունների շարքը, որի նպատակն էր բնակչության շրջանում ոչ ֆորմալ կրթության միջոցով նպաստել հանրային առողջության ամրապնդմանը, հասարակության առողջ ապրելակերպին և առողջապահական-բժշկական առաջնային գիտելիքներ ստանալուն։
Միջոցառման ընթացքում մասնագետները ներկայացրեցին Հայաստանում առավել տարածված հիվանդությունների առողջապահական-կրթական մոդուլները:
Ողջունելով ծրագրի մասնակիցներին՝ «WiRED International» միջազգային առողջապահական կազմակերպության հայաստանյան ներկայացուցիչ, Սեբուհ Բաղդոյանը տեղեկացրեց, որ ծրագրի նպատակն է շահառու խմբերի շրջանում ոչ ֆորմալ կրթության միջոցով նպաստել հանրային առողջության ամրապնդմանը, հասարակության առողջ ապրելակերպին և առողջապահական-բժշկական առաջնային գիտելիքներ ստանալուն, ինչպես նաև խթանել հանրային իրազեկումը առողջապահական ոլորտի ծրագրերի վերաբերյալ, Հայաստանի այլ շրջաններում համայնքային առողջապահական աշխատողների նոր խմբերի ձևավորումը, առողջապահական-տեղեկատվական աջակցությունը, նրանց հանրային առողջության և առողջապահական, բժշկական հիմնարար գիտելիքների փոխանցումը։
Դասախոսությունների շարքին մասնակցեցին Գյումրիում բնակվող 18-70 տարեկան քաղաքացիներ՝ բուժքույրեր, մանկավարժներ, ուսանողներ, հասարակական կազմակերպությունների, առողջապահական և սոցիալական ոլորտի աշխատակիցներ:
Միջոցառման բանախոսներն էին հանրային առողջության մասնագետ Արման Աղիկյանը, ընտանեկան ստոմատոլոգ, բժիշկ-օրդինատոր Սևակ Պապոյանը և հոգեբան Լուիզա Մարդոյանը։
Ավարտին մասնակիցները ստացան մասնակցության հավաստագրեր։
![](banners/armflix.jpg)