Նեթանյահուն վերահսկողությունից դուրս է եկել, նրան պետք է զսպել. Իրանի արտգործնախարար
Иран![Նեթանյահուն վերահսկողությունից դուրս է եկել, նրան պետք է զսպել. Իրանի արտգործնախարար](/timthumb.php?src=disc/20-04-24/e6b9f93674f264e9a9718098b53ef6f5.jpg&w=780)
Իսրայելի վարչապետ Բենիամին Նեթանյահուն «վերահսկողությունից դուրս է եկել», և նրան պետք է զսպել։ Այս մասին ասել է Իրանի արտաքին գործերի նախարար Հոսեյն Ամիր Աբդոլլահյանը Նյու Յորքում Մերձավոր Արևելքի խաղաղության գործընթացի ՄԱԿ-ի հատուկ համակարգող Թոր Վենեսլանդի հետ հանդիպման ժամանակ, գրում է Mehr-ը։
«Սիոնիստական ռեժիմը ԱՄՆ-ի և նրա դաշնակիցների աջակցությամբ Գազայում ջարդեր և ցեղասպանություն է իրականացնում անպաշտպան պաղեստինցի երեխաների և կանանց նկատմամբ»,- ասել է Իրանի ԱԳ նախարարը՝ հավելելով, որ Պաղեստինում իսրայելական հանցագործությունների դադարեցմամբ՝ տարածաշրջանը կկայունացվի և պաշտպանված կլինի։
Կոչ անելով անհապաղ դադարեցնել պատերազմը Գազայում՝ ՄԱԿ-ի համակարգողն ասել է, որ ՄԱԿ-ը հավատարիմ է տարածաշրջանում լարվածության թուլացմանը և կօգտագործի իր բոլոր ջանքերը խաղաղությանն ու անվտանգությանը նպաստելու համար:
![](banners/armflix.jpg)