Ռուսաստանի միջուկային զորավարժություններին ևս մեկ երկիր կմասնակցի. Պուտին
Всемирная пресса![Ռուսաստանի միջուկային զորավարժություններին ևս մեկ երկիր կմասնակցի. Պուտին](/timthumb.php?src=disc/09-05-24/5899d2682775ab5ef90183dbdfd4bac6.jpg&w=780)
Բելառուսը կմասնակցի Ռուսաստանի միջուկային զորավարժություններին, հինգշաբթի հայտարարել է ՌԴ նախագահ Վլադիմիր Պուտինը, գրում է Interfax-ը։
«Քանի որ Բելառուսի տարածքում տեղակայված է ոչ ռազմավարական միջուկային զենք, այս անգամ մենք հրավիրեցինք մեր ընկերներին, դաշնակիցներին, և Բելառուսի նախագահը խնդրեց մասնակցել այս զորավարժությունների փուլերից մեկին»,-ասել է Պուտինը։
«Այս անգամ դրանք իրականացվում են երեք փուլով։ Երկրորդ փուլում մեր համատեղ գործողություններին միանալու են մեր բելառուս գործընկերները», - հավելել է Պուտինը։
Իր հերթին Բելառուսի նախագահ Ալեքսանդր Լուկաշենկոն լրագրողներին ասել է, որ Ռուսաստանն ու Բելառուսը որոշել են համաժամանակացնել ոչ ռազմավարական միջուկային զենքի կիրառումը փորձարկելու զորավարժությունները և համատեղ անցկացնել երկրորդ և երրորդ փուլերը։
![](banners/armflix.jpg)