Հայաստանի դեպքում՝ քար լռություն է, Վրաստանի դեպքում՝ ԱՄՆ-ն և ԵՄ-ն ամեն օր հարձակվnւմ են իշխանությունների վրա. Զախարովա
Иностранный![Հայաստանի դեպքում՝ քար լռություն է, Վրաստանի դեպքում՝ ԱՄՆ-ն և ԵՄ-ն ամեն օր հարձակվnւմ են իշխանությունների վրա. Զախարովա](/timthumb.php?src=disc/15-05-24/42948ff58dea1b87b2259bc0393fd73c.jpg&w=780)
«Արևմուտքի արձագանքն ապշեցնում է իր կայունությամբ: Խոսքը հերթական երկակի ստանդարտների մասին է»,-այսպես է արձագանքել է ՌԴ ԱԳՆ պաշտոնական ներկայացուցիչ Մարիա Զախարովան Հայաստանում «Տավուշը՝ հանուն հայրենիքի» շարժման ու բողոքի ակցիաների վերաբերյալ մեկնաբանություն տալու լրագրողների խնդրանքին:
«Գիտեք, մենք միշտ ասում ենք՝ այս կամ այն երկրում ներքաղաքական կյանքը ինքնիշխան պետության ներքին գործն է: Սակայն տվյալ պարագայում Արևմուտքի արձագանքն ապշեցնում է իր կայունությամբ: Խոսքը հերթական երկակի ստանդարտների մասին է, և այս օրինակը լավագույնս ցուցադրում է այդ ամենը: Տեսեք՝ ԵՄ-ի և ԱՄՆ-ի պաշտոնական ներկայացուցիչները բառացիորեն ամեն օր հարձակվում են Վրաստանի իշխանությունների վրա՝ իբրև թե ցուցարարների նկատմամբ դաժան վերաբերմունքի համար։ Իսկ ի՞նչ ենք տեսնում Հայաստանի դեպքում. Արևմուտքի քար լռությունը երկրում տեղի ունեցող զանգվածային ձերբակալությունների ֆոնին, և այնտեղ նաև կոշտ ուժ է կիրառվում: Կարծես թե Արևմուտքը մի կոճակն անջատել է։
Ինչ վերաբերում է Հայաստանում բազմահազարանոց բողոքի ակցիաներին, ապա արևմտյան առաջատար ԶԼՄ-ները կարծես թե դրանք ստվերում են թողնում՝ ձևացնելով, թե այնտեղ ոչինչ տեղի չի ունենում: Կամ էլ Հայաստանում տեղի ունեցող այս զարգացումներն արևմտյան ԶԼՄ-ները մատուցում են՝ որպես հայ ժողովրդի կամքը չարտահայտող և իբրև թե դրսից համակարգվող իրադարձություն», - ասել է Զախարովան:
![](banners/armflix.jpg)