Իրանում տեղ չկա թավշյա կամ գունավոր հեղաշրջումների համար․ Հոսեյն Ամիր Աբդոլլահիան

Իրանում տեղ չկա թավշյա կամ գունավոր հեղաշրջումների համար։ Այս մասին ԵՄ դիվանագիտության ղեկավար Ժոզեպ Բորելի հետ զրույցում ասել է Իրանի արտգործնախարար Հոսեյն Ամիր Աբդոլլահիանը։

Նա դատապարտել է Արեւմուտքին՝ ԱՄՆ-ում եւ Կանադայում ոստիկանական դաժանությունների նկատմամբ  անգործության  համար։

Մեկնաբանելով Իրանում տեղի ունեցած վերջին զարգացումները՝ արտգործնախարարն ասել է. «Մահսա Ամինիի մահը ցավալի է։ Այս կապակցությամբ դատաբժշկական կազմակերպությունը՝ զգալի թվով բժիշկ-մասնագետների եւ փորձագետների հովանավորությամբ, ներկայացրել է ճշգրիտ եւ գիտական ​​զեկույց։ Մինչդեռ դատաքննությունն ընթանում է։ Իհարկե, այս դեպքը պատրվակ է որոշ արեւմտյան պաշտոնյաների համար։ Հարցն այն է, թե ինչ է արել Արեւմուտքը՝ Կանադայում եւ ԱՄՆ-ում ոստիկանների կողմից կանանց եւ երեխաների սպանությունների հարյուրավոր դեպքերը հետաքննելու համար»,-նշել է նա։  

Աբդոլլահիանի խոսքով՝  Իրանը վայելում է ժողովրդի հզոր աջակցությունը։ «Իրանում տեղ չկա գունավոր կամ թավշյա պետական ​​հեղաշրջման համար։ Իրանը տարածաշրջանում կայունության եւ խաղաղության խարիսխն է»,-հավելել է նա։   

Իր հերթին, Բորելը նշել է, որ գոհ է ԳՀՀԾ-ի վերականգնման ուղղությամբ ձեռք բերված առաջընթացից եւ ընդգծել է  Թեհրանի եւ ՄԱԳԱՏԷ-ի միջեւ համագործակցության կարեւորությունը: Նա Իրան-ԱՄՆ գերիների փոխանակումն անվանել է քայլ առաջ՝ համաձայնության հասնելու ջանքերում:

Այս թեմայով Թուրքիան Իրան է ուղարկել ավելի քան 30 լեռնագնացից բաղկացած որոնողափրկարարական թիմ Ադրբեջանը և Իրանը քննարկել են ռազմական համագործակցության զարգացման հեռանկարները Հյուսիսային Կորեան պատվիրակություն է ուղարկել Իրան Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ) Հայաստանի տարածքային ամբողջականությունը պետք է հարգվի, Իրանը դեմ է սահմանների փոփոխությանը․ դեսպան (տեսանյութ) Իրանը ցանկանում է ամրապնդել ռազմական համագործակցությունը Ռուսաստանի հետ ՄԱԿ-ի գլխավոր քարտուղարը դիմել է Իրանին և Իսրայելին ԱՄՆ-ն և Մեծ Բրիտանիան ընդլայնել են Իրանի դեմ պատժամիջոցները Իրանում հայտարարել են, որ պատրաստ են հարվածել Իսրայելի միջուկային կենտրոններին Իրանը Սիրիայից դուրս է բերում ԻՀՊԿ սպաների մի մասին՝ Իսրայելի հնարավոր հարվածի պատճառով