Սահմանվել են Երևանում տեղական վճարների և տուրքերի 2024թ. դրույքաչափերը

Երևանի քաղաքապետարանն ամփոփել է ավագանու՝ դեկտեմբերի 26-ի նիստը․

«Երևանի զարգացումն առաջիկա հինգ տարում կապահովվի ավագանու հաստատած հնգամյա ծրագրի շրջանակում:

Նախատեսվում է նորոգել Երևանի ամբողջ՝ 271 կմ ճանապարհացանցը, քաղաքային նշանակության փողոցները կհանձնվեն ընթացիկ սպասարկման:

Ամբողջապես կներդրվի հանրային տրանսպորտի նոր երթուղային ցանցն ու միասնական տրանսպորտային համակարգը, որը ենթադրում է նոր, ժամանակակից շարժակազմերի ձեռքբերում, միասնական տոմսային համակարգ և «խելացի» լուծումներով վերազինված կանգառասրահներ:

Նախատեսված միջոցառումների իրականացմամբ Երևանում այլևս չեն լինի վթարային վիճակում գտնվող վերելակներ, վերանորոգման կամ հիմնանորոգման կարիք ունեցող համայնքային մանկապարտեզներ, վարչական շրջաններում ընդհանուր առմամբ կկառուցվեն 14 նոր համալիր մարզաձևերի մարզադպրոցներ,

Դալմայի այգիներում առկա 230 հա-ից ավել տարածքում կհիմնվի նոր քաղաքային այգի, Նորքի նախկին այգիներում առկա շուրջ 10 հա տարածքում էլ տնկվելու է անտառ՝ ստեղծելով բուֆերային գոտի, վերականգնվելու և արդիականացվելու է Երևանի ոռոգման համակարգի կեսից ավելին՝ շուրջ 120 կմ նոր ցանցի անցկացմամբ,

Ավարտին կհասցվեն Երևանի նոր գլխավոր հատակագծի մշակման աշխատանքները, կենտրոնի բեռնաթափման նպատակով կկառուցվեն մի շարք այլընտրանքային ճանապարհներ:

Քաղաքացիներին մատուցվող ծառայությունների բարելավման նպատակով կներդրվի ավելի քան 150 ծառայությունների միասնական էլեկտրոնային հարթակ և հարմարավետ բջջային հավելված։

Օրակարգի մեկ այլ հարցով ավագանին քննարկել և քվեարկությամբ հաստատել է Երևանի 2024թ. բյուջեն:

Ավագանու որոշմամբ սահմանվել են Երևանում տեղական վճարների և տուրքերի 2024թ. դրույքաչափերը:

Այս տարի Երևան համայնքը 4-րդ կարգի վթարայնության շենքերում ապրող 57 ընտանիքների բնակարանային խնդիր կլուծի: Ավագանու որոշմամբ վերաբնակեցված բնակիչների վթարային գույքը կհանձնվի քաղաքապետարանին, որոնք ենթակա են քանդման»,- ասվում է քաղաքապետարանի հաղորդագրության մեջ։ 

Այս թեմայով Հունիսի 2-5-ը, Թումանյանի անվան զբոսայգում, կկայանա «Երևանի բալետային փառատոն» նախագիծը Էլեկտրաէներգիայի պլանային անջատումներ՝ Երևանի և մարզերի մի շարք հասցեներում ՈւՂԻՂ. Ավինյանը Երևանի քաղաքապետարանում նիստ է անցկացնում Երևանի և մարզերի մի շարք հասցեներում լույս չի լինի Երևանի Արցախի պողոտայից «Էրեբունի» ԲԿ տանող ճանապարհին տեղի է ունեցել ՃՏՊ. կան տուժածներ Տևական ժամանակ լույս չի լինի Երևանի և 5 մարզի բազմաթիվ հասցեներում Իլ դը Ֆրանսի գործընկերների հետ քննարկեցինք Երևանի երթուղային ցանցի վերաբերյալ ուսումնասիրությունը. Ավինյան Երևանի քաղաքապետարանի և Իլ դը Ֆրանս շրջանի միջև քննարկվել են գործակցության ծրագրեր Երևանի քաղաքապետարանը ներդրել է աշխարհագրական տեղեկատվական GIS համակարգը ՈՒՂԻՂ․ Երևանի ավագանին նիստ է գումարել