Չինաստանում կինը հղի է ձևացել՝ հարուստ տղամարդու հետ ամուսնանալու համար

Չինաստանի բնակչուհին հղի է ձևացել և փորձել հարուստ ամուսին գտնել։ Այս մասին հայտնում է South China Morning Post (SCMP) թերթը։

32-ամյա կինն իր համար արհեստական ​​որովայն է պատրաստել և դուրս եկել փողոց՝ ապագա ամուսնության համար հարուստ տղամարդ գտնելու նպատակով։ Նա կանգնել է այլ մարդկանց կողքին, ովքեր զուգընկերներ են փնտրում հասարակական վայրերում: Այս պրակտիկան տարածված է Չինաստանում և հաճախ կազմակերպվում է հարսի և փեսայի ծնողների կողմից: Չինուհին որոշել է, որ արհեստական ​​որովայնի շնորհիվ կկարողանա արժանի զուգընկեր գտնել։

Նա փողոցում կանգնել է՝ ձեռքին թղթի կտորով, որի վրա գրել էր իր անձնական տվյալները։ Չինուհին նշել էր, որ հղիության հինգերորդ ամսում է։ Նա նաև բացատրել էր, թե ինչպիսի տղամարդ է ուզում իր կողքին։ «Նա պետք է ունենա բնակարան և մեքենա, ամսական ավելի քան 20 հազար յուան  աշխատավարձ ստանա։ Եվ նա պետք է լավ վերաբերվի ինձ ու երեխայիս»,- նշել էր նա։

Չինուհին կարողացել է գրավել մի քանի տղամարդկանց ուշադրությունը։ Ի թիվս այլոց, նրան մոտեցել է տեղի մի տարեց բնակիչ և ասել, որ պատրաստ է կնոջը ծանոթացնել իր 40-ամյա որդու հետ։ Սակայն, երբ չինուհին իմացել է, որ պոտենցիալ փեսացուի աշխատավարձը կազմում է ութ հազար յուան , նա անմիջապես հրաժարվել է հանդիպել նրա հետ: «Ինձ պետք չէ մի տղամարդ, ով վաստակում է 20,000 յուանից պակաս, քանի որ նա չի կարողանա պատշաճ կերպով պահել իմ երեխային», - ասել է նա:

Տղամարդկանց հետ հանդիպման ընթացքում նկարահանված տեսանյութը կինը տեղադրել է համացանցում։ Օգտատերերը կասկածանքով են վերաբերվել չինուհուն։ Ավելի ուշ տեղի իշխանությունները հայտարարել են, որ կինն իրականում հղի չէ: Նրանց խոսքով՝ նա ստել է տեղի բնակիչներին և տեսանյութը հրապարակել՝ հանուն համացանցում հանրաճանաչության։ Այժմ նրա նկատմամբ հետաքննություն է անցկացվում։

Այս թեմայով Չինաստանի նախագահը կոչ է արել Արևմուտքին չօգնել Ուկրաինային․ ԶԼՄ Հայաստան-Չինաստան հարաբերությունների հանգրվանային նշանակությունը. «Փաստ» Լավրովը պաշտոնական այցով ժամանել է Չինաստան Սի Ծինփինը նշել է Չինաստանի և ԱՄՆ-ի հարաբերություններում «կարմիր գիծը» Չինուհին փորձել է թունավորել հղի գործընկերուհուն՝ ֆիզարձակուրդի ժամանակ նրա փոխարեն չաշխատելու համար Չինաստանում կապիկները հարձակվել են զբոսաշրջիկների խմբի վրա (լուսանկարներ) Չինուհին 2 տարի ականջակալներով է քնել ու կորցրել լսողությունը Չինաստանում հայտարարել են «X հիվանդության» տարածման սպառնալիքի աճի մասին Չինաստանում 14.000 դոլարով վաճառում են K-pop երգչուհու գլխից 3 մազ Այսօր կա երկու եռանկյունի՝ ՌԴ-Չինաստան-Իրան եւ ԱՄՆ-ԵՄ-Թուրքիա. Մենք պետք է ընտրություն կատարենք. Արմեն Գեւորգյան