Ամփոփվել են Հարկադիր կատարումն ապահովող Ծառայության 2023 թվականի գործունեության արդյունքները

Գլխավոր հարկադիր կատարողի գլխավորությամբ Հարկադիր կատարումն ապահովող Ծառայության վարչական շենքում Ծառայության ղեկավար կազմի և սպայական անձնակազմի մասնակցությամբ այսօր տեղի է ունեցել ՀԿԱԾ 2023 թվականի գործունեության ամփոփման հաշվետու նիստը։ Այս մասին հայտնում են ՀԿԱԾ-ից։

Օրակարգի համաձայն՝ ներկայացվել են Ծառայության տարբեր ստորաբաժանումների կողմից հաշվետու ժամանակահատվածում իրականացված աշխատանքները, կատարողական տարբեր վարույթներով բռնագանձումների ծավալները, գույքային և ոչ գույքային բնույթի կատարողական վարույթների ցուցանիշները։ Զեկուցվել են նաև տեղեկատվական տեխնոլոգիաների ոլորտում կատարված և նախատեսվող բարեփոխումները, Ծառայության ֆինանսական ցուցանիշները, աշխատակիցների աշխատանքային պայմանների բարելավման ուղղությամբ արված աշխատանքները։

Արձանագրվել է, որ հաշվետու ժամանակահատվածում ՀԿԱԾ կողմից ընթացք է տրվել շուրջ 2,7 միլիոն կատարողական վարույթի, բռնագանձվել է ավելի քան 58 միլիարդ դրամ, որը նախորդ տարվա համադրելի ցուցանիշից ավելի է շուրջ 14,1%-ով:

Հարկադիր կատարումն ապահովող ծառայության 2023 թվականի գործունեության արդյունքների վերաբերյալ ամփոփիչ խոսքում Գլխավոր հարկադիր կատարող Արսեն Մնացականյանը դրական է գնահատել Ծառայության՝ հաշվետու տարվա գործունեությունը, մասնավորապես՝ արձանագրելով, որ հաշվետու տարում կարճված վարույթների աճը ավելացել է անցած տարվա կարճվածների համեմատ և նվազել է ավարտված կատարողական վարույթների քանակը։

Քննարկվել են նաև Ծառայության գործունեության արդյունավետության բարձրացմանը և կատարողական ցուցանիշների բարելավմանն ուղղված հիմնական միջոցառումները, տեսչական ստուգումների արդյունքները։ Ծառայության ստորաբաժանումների ղեկավարներին տրվել են համապատասխան հանձնարարականներ՝ նկատելի խախտումներն ու բացթողումները վերացնելու ուղղությամբ։

Խորհրդակցության ժամանակ տեղի է ունեցել աշխատակիցների պարգևատրման հանդիսավոր արարողություն։ Տարվա ընթացքում ծառայողական պարտականություններն ու առաջադրանքները պատշաճ կատարելու, ինչպես նաև բարեխիղճ աշխատանքի համար Գլխավոր հարկադիր կատարողի հրամանով՝ խրախուսվել են Ծառայության մի շարք աշխատակիցներ։

Այս թեմայով Քրեակատարողական և Հարկադիր կատարումն ապահովող ծառայությունները ևս հարգանքի տուրք են մատուցել Հայոց ցեղասպանության զոհերի հիշատակին Ֆրանսիան այսօր ոգեկոչում է 1915 թվականի Հայոց ցեղասպանության 109-րդ տարելիցը․ Մակրոն Կապանի Սպանդարյան փողոցում փրկարարներն իրականացրել են հարկադիր քարաթափման աշխատանքներ Առաջարկվում է պարեկային ծառայության աշխատանքի վարձատրության ֆոնդն ավելացնել տարեկան մոտ 417 միլիոն դրամով. «Փաստ» Փրկարարները իրականացրել են հարկադիր քարաթափում Վայոց ձորում իրանական համարանիշերով բեռնատարը կողաշրջվել է «Ժողովուրդ». ՊԵԿ-ը հետաձգել է 2023 թվականի հաշվարկ-հայտարարագրերի ներկայացման վերջնաժամկետը Որքան եկամուտ են ունեցել Բայդեն ամուսինները անցած՝ 2023 թվականին Լճկաձոր բնակավայրի սողանքային գոտում իրականացվելու են հարկադիր քարաթափման աշխատանքներ Անակնկալ արձակուրդ զինվորին՝ գերազանց ծառայության համար