«Միսս Ամերիկա 2017» մրցույթի հաղթող է դարձել Արկանզասի համալսարանի ուսանողուհի Սեւի Շիլդսը

«Միսս Ամերիկա 2017» գեղեցկության մրցույթի հաղթող է դարձել Արկանզասի համալսարանի ուսանողուհի Սեւի Շիլդսը: Մրցույթն անցկացվել է Ատլանտիկ Սիթի քաղաքում (Նյու Ջերսիի նահանգ), հաղորդում է Yahoo Beauty-ն:

21 տարեկան աղջիկը որպես մրցանակ շահել է 50 հազար դոլարի կրթաթոշակ՝ քոլեջում սովորելու համար: Մրցման ընթացքում ամերիկուհին ջազային պար է կատարել They Just Keep Moving the Line կոմպոզիցիայի ներքո: Շիլդսը թագն ստացել է անցյալ տարվա մրցույթի հաղթողի՝ Ջորջիայի նահանգի բնակչուհի Բեթի Քենթրելի ձեռքից:

E!Online պորտալի տեղեկատվության համաձայն՝ Շիլդսը սիրում է երգչուհի Բեյոնսեի ստեղծագործությունը, զբաղվում է բարեգործությամբ եւ առողջ կենսակերպ է վարում: Ինչպես նշում է Daily Mail-ը, ամերիկուհին սովորում է Արկանզասի համալսարանում:

Մրցույթում հաղթելու համար պայքարում էին 52 աղջիկներ ԱՄՆ-ի 50 նահանգներից, ինչպես նաեւ Կոլումբիայի դաշնային օկրուգից ու Պուերտո Ռիկոյից, որն ԱՄՆ-ին ազատորեն միացած տարածքի կարգավիճակ ունի: