Ուկրաինայի գլխավոր դատախազությունը քրեական գործ է հարուցել ՆԳ նախարար Արսեն Ավագովի դեմ

Ուկրաինայի ներքին գործերի նախարար Արսեն Ավագովի դեմ քրեական գործ է հարուցվել: Այդ մասին հեռուստատեսությամբ հայտարարել է Ուկրաինայի գլխավոր դատախազ Յուրի Լուցենկոն:

Դատախազը չի ճշտել, թե ինչ հոդվածով է այն հարուցվել, իսկ հաղորդավարը դրա վերաբերյալ հարցեր չի տվել:

Լուցենկոն նշել է, որ գործի հարուցման համար հիմք է դարձել Կոռուպցիային հակազդման կենտրոնի ղեկավար Վիտալի Շաբունինի նամակը, հաղորդել է «Ինտերֆաքս»-ը: