Համաշխարհային միջուկային ասոցիացիան կանխատեսել է ատոմային արտադրության զարգացումը
Աշխարհ
Համաշխարհային միջուկային ասոցիացիան (World Nuclear Association, WNA) հաշվարկել է մինչեւ 2025 եւ 2035 թվականները համաշխարհային ատոմային արտադրության զարգացման երեք սցենարներ:
WNA-ի հաղորդմամբ՝ բազային սցենարով աշխարհում միջուկային ռեակտորների քանակն, ինչպես սպասվում է, 2025 թվականին կհասնի 462-ի, իսկ 2035-ին՝ 547-ի: Լավատեսական սցենարով՝ 2025-ին ռեակտորների թիվը կկազմի 530, իսկ 2035-ին՝ 720: Հոռետեսական կանխատեսմամբ, որում ներառվում են նվազագույն թվով նորակառույցներ, ռեակտորների քանակը 2035-ին կնվազի մինչեւ 362:
Ասոցիացիայի հաշվարկով՝ բազային սցենարը ենթադրում է համաշխարհային միջուկային արտադրության աճի 2,3 տոկոս ամենամյա տեմպեր, լավատեսականը՝ համապատասխանաբար 3,75 տոկոս եւ հոռետեսականը՝ 0,3 տոկոս: Բազային սցենարի շրջամակներում ատոմակայանների շահագործումից ամենամյա եկամուտներն, ինչպես սպասվում է, առաջիկա երկու տասնամյականերում կաճեն 2,8 տոկոսով՝ տարեկան մինչեւ 500 միլիարդ դոլար:
2016 թվականի հուլիսի 1-ի դրությամբ 31 երկրներում կա ատոմայանների 444 առեւտրային ռեակտոր, 14 երկրներում 61 ռեակտորներ գտնվում են կառուցման փուլում, հաղորդել է «Ինտերֆաքս»-ը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
