Չինաստանի արեւելքում մոլեգնում է «Մերանտի» հզոր թայֆունը

«Մերանտի» հզոր թայֆունը սեպտեմբերի 15-ին հասել է Չինաստանի արեւելքի Ֆունցզիանի նահանգ՝ իր հետ բերելով փոթորկալի քամիներ, տեղեկացնում է «Սինհուա» գործակալությանը:

««Մերանտի»-ն Սյանիանի շրջանի Սյամեն քաղաքին հարվածել է սեպտեմբերի 15-ին տեղական ժամանակով ժամը 3:05-ին: Քամու արագությունը հասնում էր վայրկյանում 48 մետրի: Ավերածությունների ու մարդկային զոհերի վերաբերյալ տեղեկատվություն առայժմ չի ստացվել:

Սեպտեմբերի 14-ի երեկոյան ՉԺՀ-ի պետական օդերեւութաբանական ծառայությունը վտանգի ամենաբարձր մակարդակն է հայտարարել «Մերանտի» թայֆունի պատճառով: Ինչպես նշում են փորձագետները, «Մերանտի»-ն կդառնա վերջին տարիների ընթացքում ՉԺՀ-ն պատուհասած ամենաուժգին թայֆունը:

Ավելի վաղ թայֆունը մոլեգնել է Թայվանի ծովափին՝ առանց էլեկտրականության թողնելով 860 հազար ընտանիքների եւ խախտելով տրանսպորտային հաղորդակցությունը կղզում: Անբարենպաստ եղենակի պատճառով Թայվանում չեղյալ է հայտարարվել 233 ներքին ավիաչվերթ, ինչպես նաեւ 168 միջազգային ավիաչվերթ, հաղորդել է ՌԻԱ Նովոստին: