Այսօր տարեց մարդկանց միջազգային օրն է

ՄԱԿ-ի Գլխավոր ասամբլեան 1990 թվականի դեկտեմբերի 14-ին 45/106 բանաձևով որոշել է հոկտեմբերի 1-ը համարել Տարեց մարդկանց միջազգային օր (International Day of Older Persons): Այս մասին հայտնում է calend.ru-ն:

Սկզբում օրը սկսել են նշել Եվրոպայում, ապա ԱՄՆ-ում, իսկ 1990-ականների վերջից արդեն ողջ աշխարհում:

Հոկտեմբերի 1-ին բազմաթիվ երկրներում տեղի են ունենում տարբեր փառատոներ, համաժողովներ և կոնգրեսներ: Այդ օրը հասարակական կազմակերպությունները և հիմնադրամները կազմակերպում են տարբեր բարեգործական ակցիաներ: Ամեն տարի Տարեց մարդկանց միջազգային օրը նվիրվում է որոշակի թեմայի:

Ճապոնիայում սեպտեմբերի երրորդ երկուշաբթի օրը նշում են Տարեց մարդկանց մեծարման միջազգային օրը: