Իզմիրում ոստիկանությունը որոնում է պայթյուն իրականացնել պատրաստվող ահաբեկիչների

Թուրքիայի Իզմիր քաղաքում ոստիկանությունը լայնամասշտաբ գործողություններ է իրականացնում ահաբեկիչների հայտնաբերելու նպատակով: Ինչպես հաղորդում է թուրքական «Հուրիեթ» պարբերականը, հետախուզական տվյալների համաձայն՝ քաղաք մտած երեք տղամարդիկ նախատեսում են պայթյուն կազմակերպել:

Ենթադրյալ ահաբեկիչներից երկուսի ինքնությունը պարզվել է: Երեք տղամարդկանց նկարները տարածվել են քաղաքի բոլոր վայրերում՝ նրանց ավելի հեշտ և արագ գտնելու նպատակով: