Ֆրանսիայում կալանավորել են ջիհադական Ռաշիդ Քասիմի կողմնակից չորս աղջիկների

Ֆրանսիայի ոստիկանությունը չորս դեռահաս աղջիկների է կալանավորել ահաբեկչական հարձակումների նախապատրաստման կասկածանքով: Նրանք բոլորն, ինչպես գրել է ֆրանսիական մամուլը, եղել են հայտնի ջիհադական Ռաշիդ Քասիմի կողմնակիցները, որը թաքնվում է Իրաքի տարածքում, տեղեկացնում է BBC-ն:

Կալանավորվածներից ամենաավագը 18 տարեկան է, մնացածները 17, 15 եւ 14 տարեկան են: Նրանք կալանավորվել են Ֆրանսիայի տարբեր մասերում, ասված է Փարիզի դատախազի հաղորդագրության մեջ:

Ֆրանսիայի դատախազությունը նշում է, որ աղջիկները քննարկել են «բռնի ակցիաների» հնարավորությունը եւ, հավանաբար, պլանավորում էին մեկնել Իրաք եւ Սիրիա՝ համալրելու «Իսլամական պետություն» (ԻՊ) շարժման շարքերը, որն արգելված է աշխարհի շատ երկրներում:

Ռաշիդ Քասիմն ԻՊ-ի առավել օդիոզ գործիչներից է, որին կասկածում են Ֆրանսիայում սպանությունների կազմակերպման մեջ եւ որը հրապարակայնորեն գերի սիրացիների է սպանել ԻՊ-ի քարոզչական տեսահոլովակներում:

Եվ հենց Քասիմին են կասկածում վերջին տարում Ֆրանսիայի տարածքում մի քանի ահաբեկչական հարձակումների նախապատրաստման մեջ: