Երևանում բախվել են BMW X6-ն ու Toyota-ն. Toyota-ն էլ բախվել է կայանված BMW-ին ու 2 Mazda-ներին

Երեւանում այսօր՝ մայիսի 17-ին, ժամը 17:40-ի սահմաններում Աբովյան–Պուշկին փողոցների խաչմերուկում բախվել են Էդուարդ Մկոյանի վարած BMW X6 մակնիշի եւ Նարեկ Եսայանի վարած Toyota մակնիշի ավտոմեքենաները: Այս մասին հաղորդում է shamshyan.com-ը։

Բախման հետեւանքով Toyota-ն հետո բախվել է կայանված վիճակում գտնվող  Գեւորգ Հարությունյանի  BMW-ին, Մարինա Այվազյանի Mazda-ին եւ Շահան  Դերմանզյանի Mazda-ին: Ըստ նախնական տեղեկությունների՝ վթարի հետեւանքով տուժածներ չկան:

Փաստի առթիվ նյութեր են նախապատրաստվում: