Վրաստանին վտանգ չի սպառնում․ Ղարիբաշվիլի

Վրաստանի վարչապետ Իրակլի Ղարիբաշվիլին, մեկնաբանելով Ուկրաինայի շուրջ ստեղծված իրավիճակը, վստահություն է հայտնել, որ Վրաստանին ոչ մի վտանգ չի սպառնում։

«Մեզ ոչ մի վտանգ չի սպառնում, կարևոր է հանգստություն պահպանել, մեր ազգային և պրագմատիկ քաղաքականությամբ մենք ապահովել ենք, որ ունենանք խաղաղություն և կայունություն։ Որպես վարչապետ՝ ես չեմ անի որևէ բան, որը կարող է ինչ-որ կերպ վնասել մեր երկրի շահերին»,- լրագրողներին ասել է Ղարիբաշվիլին։