Ֆիզանձանց եկամուտների հայտարարագրումը հանգեցնելու է նրան, որ մարդիկ սկսեն կանխիկով ամեն ինչ անել․ արդյունքում՝ բարդակ է դառնալու․ Անի Հովհաննիսյան
Հրապարակումներ
COVID-19 Հայաստան. փաստահավաք խմբի անդամ Անի Հովհաննիսյանը Ֆեյսբուքի իր էջում գրել է․
«Այս աբսուրդ փոփոխությունները (ֆիզանձնաց եկամուտների հայտարարագրում) հանգեցնելու են նրան, որ մարդիկ սկսեն կանխիկով ամեն ինչ անել, մտածել տարբեր զարտուղի ճանապարհներ թաքցնելու համար իրենց եկամուտները, ի վերջո պետությունը չունի այդքան ռեսուրս, որ բոլորին հատ-հատ ստուգի: Արդյունքում բարդակ է դառնալու: Ինչ-որ մի մաս զզվելու է, թողնի գնա, մի մաս այլ եղանակներով լուծի իր հարցերը, մի մասն էլ ճկռած մուծումների տակ մի կերպ գոյատևի:
Մյուս կողմից էլ շրջարկի փոփոխությունները. եթե նպատակն այն է, որ ՓՄՁ-ները վերանան, քիչ, թե շատ եկամուտ ունեցող մարդիկ էլ բռնեն արտագաղթի ճանապարհը, ապա շատ ճիշտ ուղի է ընտրված:
Եվրոպական երկրների հետ էլ, եթե հանկարծ որևէ մեկը փորձի համեմատել, թե բա ինչպես են այնտեղ, ԱՄՆ-ում կամ նույն ՌԴ-ում անում, ապա պետք է հիշել, որ մենք ներկայումս շատ երկար պետք է փնտրենք մի երկիր, որի հետ կարող ենք համեմատվել, իսկ նորմալ պետական ստրուկտուրաներ, կայացած տնտեսություն ունեցող երկրներին անգամ մոտիկ էլ չենք: Մեկ-երկու ջերմոց ու խելացի այգի կառուցելով, խրոխտ հայտարարություններ անելով չես դառնում կայացած տնտեսություն ունեցող պետություն:
Ի վերջո, նշեք, թե քանի խոշոր ներդրումներ են եղել վերջին տարիներին Հայաստանում կամ ո՞ւր են գնացել ԵՄ տրամադրած գումարները գյուղատնտեսական ծրագրերի համար, ինչքան հիշում եմ 300 միլիոնից ավել գումար տրամադրվեց, ի՞նչ եղան դրանք, ի՞նչ կառուցվեց դրանով, թե՞ բավարարվեցին մի կազմակերպությանը ֆինանսավորում տալով ու վերջ: Գումար էլ են տալիս, չեն կարողանում օգտագործել, թե բա վերահսկենք հասարակ մարդկանց եկամուտները, դուք դեռ պետության եկամուտներն ու ծախսերը վերահսկել կարողացեք, հետո անցեք հասարակ մարդկանց»:
ՈՒՂԻՂ ԵԹԵՐ
Ամենադիտված 
Էլիզ Մելիքյանը մայրիկի հետ լուսանկար է հրապարակել
