Կինն իր խորթ որդուն 20 տարի շարունակ փակի տակ է պահել

ԱՄՆ ոստիկանությունը հրապարակել է տասնյակ լուսանկարներ հրկիզված տան ներսից, որտեղ, ենթադրաբար, ավելի քան 20 տարի ապրել է Կոնեկտիկուտից մի տղամարդ, ում խորթ մայրը փակի տակ է պահել փոքրիկ սենյակում: Այս մասին հայտնում է New York Post (NYP) թերթը։

Այնտեղ հայտնաբերված 32-ամյա տղամարդը ոստիկաններին պատմել է, որ իր խորթ մայրը՝ 57-ամյա Քիմբերլի Սալիվանը, իրեն փակի տակ է պահել 11 տարեկանից, հայտնում է New York Post-ը։ Մարտի սկզբին ձերբակալված կինը ազատ է արձակվել 300 հազար դոլար գրավի դիմաց։ Նրան մեղադրանք է առաջադրվել հարձակման, առևանգման,մարդկանց նկատմամբ դաժան վերաբերմունքի համար, սակայն նա կտրականապես հերքում է իրեն առաջադրված մեղադրանքները:

Նրա խորթ որդին, ում անունը չի հրապարակվում, քննիչներին ասել է, որ կյանքի մեծ մասը զրկված է եղել սննդից և ջրից: Ըստ NYP-ի՝ նա երբեմն ստիպված է եղել ջուր խմել զուգարանից՝ ողջ մնալու համար: